ఫోటో స్టోరి: రాశుల‌న్నీ ధార‌బోసిందిగా!

ఢిల్లీ బ్యూటీ రాశిఖ‌న్నా కెరీర్ జెట్ స్పీడ్ తో ప‌రుగులు పెడుతోంది. వ‌రుస‌గా తెలుగు..త‌మిళ్ సినిమాల్లో న‌టిస్తూ ఎన్న‌డు లేనంత బిజీగా ఉంది. రెండేళ్ల కాలానికి ప్ర‌స్తుతం డైరీ ఫుల్ అయింది. ఆన్ సెట్స్ లో కొన్ని సినిమాలుంటే..షూటింగ్ పూర్తి చేసుకుని రిలీజ్ కి రెడీగా ఉన్న‌వి మ‌రికొన్ని. వీటిలో ఎక్కువ‌గా కోలీవుడ్ సినిమాలే ఉన్నాయి. ఇక రాశిఖ‌న్నా ఫోటో సెష‌న్ల గురించి చెప్పాల్సిన ప‌నిలేదు. ఎప్పటిక‌ప్పుడు కొత్త కొత్త ఫోటో షూట్ల‌తో యువ‌త‌కు మ‌రింత‌గా చేరువ‌వుతోంది. రెగ్యుల‌ర్ యాక్టివిటీస్ కి సంబంధించిన‌ ఫోటోల‌తో పాటు గ్లామ‌ర‌స్ ఫోటోషూట్ల‌ను ఇన్ స్టాలో షేర్ చేస్తోంది.

తాజాగా రాశీఖ‌న్నా ఫోటోషూట్ సంథింగ్ స్పెష‌ల్ గా ఆక‌ట్టుకుంది. అందాల‌ రాశుల‌న్నీ ఒకేచోట ఆర‌బోసిన‌ట్టుగా ఉంది ఈ లుక్ లో. ఆరెంజ క‌ల‌ర్ టాప్.. మ్యాచింగ్ బాట‌మ్ తో ఆక‌ర్ష‌ణీయంగా క‌నిపిస్తోంది. నుదిటిన పెద్ద పాపిడిబొట్టు..గాలికి ఎగిరే ఆ కురులతో మ‌త్తెక్కించే చూపుల‌తో ఫోటో సెష‌న్ లో పాల్గొంది. ప్ర‌స్తుతం ఈ ఫోటో ఇన్ స్టాలో వైర‌ల్ గా మారింది. క్యూట్ లుక్.. ! అంటూ స‌మంత కామెంట్ చేసింది. ఇక రాశి అభిమానులు కామెంట్లకు అయితే హ‌ద్దు లేదు. త‌మ‌దైన శైలి కామెంట్ల‌తో విరుచుకుప‌డుతున్నారు.

ప్ర‌స్తుతం రాశీఖ‌న్న గోపీచంద్ స‌ర‌స‌న `ప‌క్కా క‌మ‌ర్శియ‌ల్` చిత్రంలో న‌టిస్తోంది. దీనికి మారుతి ద‌ర్శ‌క‌త్వం వ‌హిస్తున్నారు. షూటింగ్ క్లైమాక్స్ లో ఉంది. వ‌చ్చే ఏడాది సినిమా రిలీజ్ చేయ‌డానికి స‌న్నాహాలు చేస్తున్నారు. అలాగే అక్కినేని వార‌సుడు నాగ‌చైత్య స‌ర‌స‌న `థాంక్యూ ` చిత్రంలో న‌టిస్తోంది. విక్ర‌మ్. కె. కుమార్ దీనికి ద‌ర్శ‌క‌త్వం వ‌హిస్తున్నారు. ప్ర‌ఖ్యాత సినిమాటోగ్రాఫ‌ర్ పీ.సీ శ్రీరామ్ ఈ చిత్రానికి ప‌నిచేస్తున్నారు. తెలుగు లో ఈ రెండు మిన‌హా ఆరు చిత్రాలు కోలీవుడ్ లో న‌టిస్తుంది.