అందంగా లేనా అసలేం బాలేనా నీ ఈడు జోడు కాననా?

ఢిల్లీ బ్యూటీ రాశిఖ‌న్నా కెరీర్ జెట్ స్పీడ్ తో ప‌రుగులెడుతోంది. వ‌రుస‌గా తెలుగు.. త‌మిళ్ సినిమాల్లో న‌టిస్తూ ఎన్న‌డు లేనంత బిజీగా ఉంది. రెండేళ్ల పాటు డైరీ ఫుల్ అయింది. ఆన్ సెట్స్ లో కొన్ని సినిమాలుంటే... షూటింగ్ పూర్తి చేసుకుని రిలీజ్ కి రెడీగా ఉన్న‌వి మ‌రికొన్ని. వీటిలో ఎక్కువ‌గా కోలీవుడ్ సినిమాలే ఉన్నాయి. ఇక రాశిఖ‌న్నా ఫోటో సెష‌న్ల గురించి చెప్పాల్సిన ప‌నిలేదు. ఎప్పటి క‌ప్పుడు కొత్త కొత్త ఫోటో షూట్ల‌తో అమ్మ‌డు కాక‌లు రేపుతుంది. విదేశీ ట్రిప్ కి సంబంధించిన‌వైనా.. టెంప్టింగ్ ఫోటోలైనా సరే ఇన్ స్టాలో వైర‌ల్ గా మారాల్సిందే. వాటిపై కామెంట్ల‌తో హీటెక్కాల్సిందే.

తాజాగా రాశీఖ‌న్నా మ‌రో కొత్త పిక్ లో ఇన్ స్టా ప్రియుల్ని ఆకట్టుకుంటోంది. వైట్ క‌ల‌ర్ దుస్తులు ధ‌రించి విండో సైడ్ నుంచోని కెమారాకి ఫోజులిచ్చింది. ఇందులో రాశీ ఎద అందాలు హైలైట్ అవుతున్నాయి. అందాల రాశుల‌న్ని వేసుకున్న డ్రెస్ లో దార‌బోసిన‌ట్లు క‌నిపిస్తోంది. ప్ర‌స్తుతం ఈ ఫోటో ఇన్ స్టాలో వైర‌ల్ గా మారింది. క్యూట్ లుక్ అంటూ స‌మంత కామెంట్ చేసింది. ఇక రాశి అభిమానులు కామెంట్లకు అయితే హ‌ద్దు లేదు. త‌మ‌దైన శైలి కామెంట్ల‌తో విరుచుకుప‌డుతున్నారు. అందంగా లేనా అసలేం బాలేనా నీ ఈడు జోడు కాననా ... అలుసైపోయానా అసలేమి కానా అంటూ కొంద‌రు క‌విత‌లే అల్లేస్తు్నారు.

ప్ర‌స్తుతం రాశీఖ‌న్నా గోపీచంద్ స‌ర‌స‌న `ప‌క్కా క‌మ‌ర్శియ‌ల్` చిత్రంలో న‌టిస్తోంది. దీనికి మారుతి ద‌ర్శ‌క‌త్వం వ‌హిస్తున్నారు. షూటింగ్ క్లైమాక్స్ లో ఉంది. వ‌చ్చే ఏడాది సినిమా రిలీజ్ చేయ‌డానికి స‌న్నాహాలు చేస్తున్నారు. అలాగే అక్కినేని వార‌సుడు నాగ‌చైత్య స‌ర‌స‌న `థాంక్యూ ` చిత్రంలో న‌టిస్తోంది. విక్ర‌మ్. కె. కుమార్ దీనికి ద‌ర్శ‌క‌త్వం వ‌హిస్తున్నారు. ప్ర‌ఖ్యాత సినిమాటోగ్రాఫ‌ర్ పీ.సీ శ్రీరామ్ ఈ చిత్రానికి ప‌నిచేస్తున్నారు. తెలుగులో ఈ రెండు మిన‌హా ఆరు చిత్రాలు కోలీవుడ్ లో న‌టిస్తోంది.

అంతఃపురం లో భ‌య‌మేల ఖ‌న్నా!

అనగనగా ఓ 'అంతఃపురం'. రాజ భవనంలా ఉంటుంది. అందులో ఓ అమ్మాయి ఉంది. యువరాణికి ఏమాత్రం తీసిపోదు. 'అంతఃపురం'లో అమ్మాయి యువరాణిలా కనిపించాలనే ఏమో... రాశీ ఖన్నాను దర్శకుడు సుందర్ .సి ఎంపిక చేశారు. ఆమెను అందాల బొమ్మలా చూపించారు. 'అంతఃపురం'లో సకల సౌకర్యాలు ఉన్నాయి. కానీ, ఆ అమ్మాయి మాత్రం భయపడుతోంది. ఎందుకు? ఏమిటి? అనేది తెలియాలంటే డిసెంబర్ 31న విడుదల అవుతున్న 'అంతఃపురం' సినిమా చూసి తెలుసుకోవాలి. తెలుగులో హిట్ సినిమాలు చేసిన రాశీ ఖన్నా... ఈ సినిమాలో డిఫరెంట్ రోల్ చేశారు. ఆల్రెడీ రిలీజైన ట్రైల‌ర్‌, సాంగ్స్‌లో అందంగా, అదే సమయంలో అభిన‌యానికి ఆస్కార‌మున్న పాత్ర చేశార‌ని తెలుస్తోంది. రాశీ ఖన్నా స్టిల్స్ సోషల్ మీడియాలో వైరల్ అయ్యాయి.

రాశీ ఖన్నా ఓ కథానాయికగా, ఆర్యకు జంటగా నటించిన తమిళ సినిమా 'అరణ్మణై 3'. సుందర్ .సి హీరోగా నటించడంతో పాటు దర్శకత్వం వహించారు. ఇందులో ఆండ్రియా మరో కథానాయిక. ఇందులో సాక్షి అగర్వాల్, వివేక్, యోగిబాబు, మనోబాల ప్రధాన తారాగణం. హారర్ కామెడీగా రూపొందిన ఈ సినిమా తమిళనాట మంచి విజయం సాధించింది. తెలుగులో 'అంతఃపురం' పేరుతో గంగ ఎంట‌ర్‌టైన్‌మెంట్స్‌ విడుదల చేస్తోంది. రెడ్ జెయింట్ మూవీస్ ఉదయనిధి స్టాలిన్ సమర్పణలో, అవని సినీమాక్స్ ప్రై.లి. ఖుష్బూ సమర్పణలో, బెంజ్ మీడియా ప్రై.లి. ఎ.సి.ఎస్. అరుణ్ కుమార్ సమర్పణలో సినిమాను విడుదల చేస్తోంది.

సుందర్ సి మాట్లాడుతూ "మా 'అరణ్మణై' ఫ్రాంచైజీలో వచ్చిన తొలి రెండు చిత్రాలు తెలుగులో 'చంద్రకళ', 'కళావతి'గా విడుదలై విజయాలు సాధించాయి. ఇప్పుడీ 'అంతఃపురం' కూడా విజయవంతం అవుతుందనే నమ్మకం ఉంది. ఇందులోని హారర్, కామెడీ సన్నివేశాలు తెలుగు ప్రేక్షకులందర్నీ ఆకట్టుకుంటాయి. విజువల్ గా హై స్టాండర్డ్స్ లో ఉంటుందీసినిమా. 'అంతఃపురం'లో‌ గ్రాండియర్ అందరినీ ఆకట్టుకుంటుంది. ఈ నెల 31న సినిమా విడుదల చేస్తున్నాం" అని అన్నారు.