దేవరకొండతో ముద్దుకు ముచ్చట పడుతోందా?

ప్రస్తుతం టాలీవుడ్‌ హీరోల్లో యూత్‌ లో యమ క్రేజ్‌ ఉన్న హీరో ఎవరు అంటే ఠక్కున వినిపించే పేర్లలో విజయ్‌ దేవరకొండ పేరు ఉంటుందని చెప్పడంలో ఎలాంటి సందేహం లేదు. విజయ్‌ దేవరకొండ అంటే అమ్మాయిలు మాత్రమే కాకుండా అబ్బాయిలు కూడా తెగ అభిమానించేస్తున్నారు. విజయ్‌ దేవరకొండ బాడీలాంగ్వేజ్‌, అతడి మాట తీరుకు అంతా ఫిదా అవుతున్నారు. ఇక టాలీవుడ్‌ మోస్ట్‌ క్రేజీ హీరో అయిన విజయ్‌ తో ఏ హీరోయిన్‌ మాత్రం నటించేందుకు ఆసక్తి చూపించదు చెప్పండి. ఆయనతో నటించే లక్కీ ఛాన్స్‌ కోసం హీరోయిన్స్‌ ఎదురు చూస్తున్నారు. ఆ లక్కీ ఛాన్స్‌ రాశి ఖన్నా దక్కించుకుంది. విజయ్‌ తో నటించబోతున్నందుకు ఈమె చాలా ఎగ్జయిటింగ్‌ గా ఉన్నట్లుగా తెలుస్తోంది.

తాజాగా ఈమె విశాల్‌ కు జోడీగా తమిళ చిత్రం 'అయోగ్య' చిత్రంలో నటించింది. ఆ చిత్రం విడుదల నేపథ్యంలో ఒక మీడియా సంస్థకు ఇచ్చిన ఇంటర్వ్యూలో రాశిఖన్నా ఆసక్తికర వ్యాఖ్యలు చేసింది. ఆ ఇంటర్వ్యూలో మీరు హీరో విజయ్‌ దేవరకొండ అయితే ఏ హీరోయిన్‌ కు ముద్దు పెట్టాలని భావిస్తున్నారు అంటూ ప్రశ్నించిన సమయంలో రాశి ఖన్నా తడుముకోకుండా నా తర్వాత సినిమాలో హీరోయిన్‌ కు ముద్దు పెట్టాలనుకుంటున్నాను అంటూ చెప్పుకొచ్చింది. విజయ్‌ దేవరకొండ తర్వాత సినిమా క్రాంతి మాధవ్‌ దర్శకత్వంలో తెరకెక్కబోతుంది. ఆ సినిమాలో రాశిఖన్నా హీరోయిన్‌ గా నటించబోతుందనే విషయం తెల్సిందే. అంటే ఇండైరెక్ట్‌ గా రాశిఖన్నా తనకు విజయ్‌ దేవరకొండతో లిప్‌ లాక్‌ కు ఎలాంటి అభ్యంతరం లేదు అంటూ చెప్పకనే చెప్పింది.

మరీ ఈ అమ్మడి వ్యాఖ్యలను దర్శకుడు క్రాంతి మాధవ్‌ సీరియస్‌ గా తీసుకుని వీరిద్దరి మద్య లిప్‌ లాక్‌ పెడతాడా అనేది చూడాలి. దర్శకుడు క్రాంతి మాధవ్‌ ఇప్పటి వరకు విభిన్న కథా చిత్రాలను తెరకెక్కించాడు. ఈ చిత్రం కూడా విజయ్‌ దేవరకొండలోని నటుడిని మరింతగా వెలికి తీసే విధంగా ఉంటుందని అంటున్నారు. కథా ప్రధానంగా సాగే ఈ చిత్రంలో ముద్దు సీన్స్‌ ఉంటాయా ఉండవా అనేది చూడాలి. డియర్‌ కామ్రేడ్‌ చిత్రం విడుదలైన వెంటనే క్రాంతి మాధవ్‌, విజయ్‌ దేవరకొండల మూవీ పట్టాలెక్కే అవకాశం ఉంది.