సిగరెట్ ప్యాంట్ ట్రై చేశా అంటోంది..

రాశి రామ్ తో కలిసి రాశి ఖన్నా నటించిన శివమ్.. ఈ వారంలోనే విడుదల కానుంది. దీపావళికి ఈ భామ నటించిన బెంగాల్ టైగర్ చిత్రం కూడా విడుదల కానుంది. వరుసగా రెండు పెద్ద మూవీస్ రిలీజ్ కానుండడంతో.. బాగా ఎగ్జయిట్ అవుతోంది రాశి ఖన్నా. అంతే కాదు.. రీసెంట్ గా ప్రారంభమైన సాయిధరం తేజ్ మూవీ సుప్రీమ్ లోనూ హీరోయిన్ ఛాన్స్ ఈ అమ్మడికే దక్కింది.

ఊహలు గుసగులాడేతో లాంఛింగ్ లో విజయం సాధించిన రాశి, తర్వాత జిల్ తోనూ మరో సక్సెస్ కొట్టింది. వరుస ఆఫర్లతో తెగ బిజీగా ఉండడం హ్యాపీగా ఉందని చెబుతోంది. త్వరలో స్టార్ లీగ్ లోకి ఎంటర్ అవుతాననే నమ్మకం ఈ భామలో బాగానే కనిపిస్తోంది. శివమ్ లో బాగా డ్యాన్స్ లు వేశారని అందరూ పొగుడుతుంటే.. అదంతా ఎనర్జిటిక్ హీరో రామ్ ఇచ్చిన స్ఫూర్తి అంటోంది. శివంలో తన కేరక్టర్ కి మంచి పేరు వస్తుందని నమ్మకంగా ఉంది. తన పాత్ర పేరు హను అనీ, బాగా ఈగో ఉండే కేరక్టర్ అని చెబ్తోంది.

అలాగే కాస్ట్యూమ్స్ విషయంలో చాలా జాగ్రత్తలు తీసుకుంటానంటోంది ఈ భామ. శివమ్ లో ఓ పాట కోసం సిగరెట్ ప్యాంట్ వేసిందట. దాన్ని వెండితెరపై చూసి ఎంజాయ్ చేయాలని చెబ్తోంది. అలాగే పోటీ ఉంటేనే ట్యాలెంట్ బయటపడుతోందని.. ఇప్పటి హీరోయిన్లతో హెల్దీ కాంపిటీషన్ కి నేనెప్పుడూ సిద్ధం అంటోంది రాశి ఖన్నా. తెలుగు మాత్రం ఇప్పుడే నేర్చుకుంటున్నానని... నా తెలుగు వింటే అందరికీ నవ్వు రావడం గ్యారంటీ అంటోంది రాశిఖన్నా .