ఈసారి లేడీ పోలీస్ కామెడీ?

గతంలో ఠీవికి హుందాతనానికి ఎలివేషన్ బ్యాక్ డ్రాప్ లకీ వాడుకునే పోలీస్ పాత్రలు ఇప్పుడు వాటిని మించి మరో అస్త్రాన్ని ఈ ఖాకీలకు తగిలించారు. అదే కామెడి. పవర్ చేతిలో పెట్టుకుని పవర్ ఫుల్ కామెడిని పండించడం నేటి సరికొత్త ట్రెండ్.

ఈ టైపు క్యారక్టరైజేషన్ చదువుతుండగానే మనకు గుర్తొచ్చే సినిమా గబ్బర్ సింగ్.. పవర్ స్టార్ పవన్ కళ్యాణ్ తిక్కున్న లేక్కగల పోలీస్ ఆఫీసర్ గా అలరించాడు. అభిమానులకు ఎనలేని ఎంటర్ టైన్ మెంట్ ని అందిచడంతో ఈ కాన్సెప్ట్ విజయం సాధించింది.

ఆ తరువాత రేసు గుర్రంలో అల్లు అర్జున్ బ్రాహ్మిలు - టెంపర్ లో తారక్ ఇలానే పోలీసులయ్యుండి విచిత్రమైన క్యారక్టర్ బ్యాక్ డ్రాప్ లో మెప్పించారు. అయితే ఇప్పుడు ఇలాంటి కామెడిని లేడీ పోలీస్ చేయ్యనుందట. ఈ నెల 5న విడుదల కానున్న సాయిధరమ్ తేజ్ సుప్రీమ్ సినిమాలో రాశీ ఖన్నా పోలీస్ ఆఫీసర్ గా తోటి కానిస్టేబుల్స్ తో నవ్వుల పవ్వులు పూయించనున్నట్టు తెలుస్తుంది.