రాశి ఖన్నా నమ్మమంటోంది.. దేన్నో!!

టాలీవుడ్ బ్యూటీ రాశి ఖన్నా.. గతంతో పోల్చితే ఇప్పుడు బాగా యాక్టివ్ గా మారిపోతోంది. సినిమాల సంఖ్య కాస్త తగ్గిందేమో కానీ.. ఈ భామలో ఉత్సాహం మాత్రం ఎన్నో రెట్లు పెరిగింది. పైగా గతంలో బాగా బొద్దుగా ఉండే ఈ బ్యూటీ.. ఇప్పుడు కాస్త చిక్కడంతో రెట్టించిన జోష్ కనిపిస్తోంది.

ఇవాళ ఉమెన్స్ డే సందర్భంగా.. ఓ స్పెషల్ వీడియో రిలీజ్ చేసింది రాశి ఖన్నా. 'బిలీవ్ ఇన్ యూ' అనే టైటిల్ పై రూపొందించిన ఈ చిన్న వీడియోలో తను నటించడమే కాదు.. ప్రొడ్యూస్ కూడా చేసేసింది. నేరేషన్ కూడా రాశినే చెప్పేసింది. మిమ్మల్ని మీరు ఎందుకు నమ్మాలో.. చెప్పిన ఈ వర్డింగ్స్ అయితే చక్కగా కుదిరాయి. కానీ వీడియో సంగతికి వచ్చేసరికే ఆలోచించాల్సి వస్తోంది. మొత్తంగా వీడియో చూస్తే.. ఇదేదో జిమ్ సెంటర్ యాడ్ లో నటించినట్లు ఉంది తప్ప.. ఓ స్పెషల్ థీమ్ తో తీసినట్లు ఎక్కడా అనిపించలేదు.

తను వర్కవుట్స్ చేసి కాన్ఫిడెన్స్ తెచ్చుకుంది కాబట్టి.. అందరినీ వర్కవుట్స్ చేసేయమంటోందా.. లేకపోతే ఇంతగా ఎక్సర్ సైజులు చేసి తగ్గించుకున్న తన బాడీని చూపిస్తోందా అనే విషయం అర్ధం కాకపోవడంలో ఆశ్చర్యం లేదు. అయితే.. రాశి ఖన్నా చెప్పాలనున్న విషయంలో మాత్రం మ్యాటర్ ఉంది. దాన్ని చూపించిన విధానం మాత్రం అంతగా ఆకట్టుకోదు. బిలీవ్ ఇన్ యూ అనే టైటిల్ బాగున్నా.. దానికి జస్టిఫికేషన్ చేయలేదేమో అనిపించక మానదు.