కబాలి ముందు సూప్ తాగిస్తున్న రష్మీ

జూలై 15న కబాలి వచ్చేస్తున్నాడు. సూపర్ స్టార్ రజినీకాంత్ నటించిన ఈ మూవీ కోసం సౌతిండియాలోనే కాదు ప్రపంచవ్యాప్తంగా చాలా క్రేజ్ ఉంది. ఇప్పటికే రజినీ మూవీ రిలీజ్ కారణంగా.. చాలానే చిన్నా పెద్దా సినిమాలు తమ రిలీజ్ లను వాయిదా వేసుకున్నాయి. కానీ హాట్ యాంకర్ కం హీరోయిన్ అయిన రష్మీ గౌతమ్ మాత్రం.. ఏ మాత్రం భయపడ్డం లేదు.

రష్మీ - చరణ్ దీప్ లు నటించిన అంతం అనే రొమాంటిక్ థ్రిల్లర్ ను జూలై 7న రిలీజ్ చేయబోతున్నట్లు నిర్మాతలు ప్రకటించారు. ఇప్పటికే విడుదలైన ఈ ట్రైలర్ బాగానే ఆకట్టుకుంది. ఇప్పటికే సెన్సార్ కంప్లీట్ అయిన ఈ చిత్రానికి ఏ సర్టిఫికేట్ లభించింది. తమ సినిమా అడల్ట్ కంటెంట్ పిక్చర్ అని పబ్లిసిటీ చేసుకునేందుకు నిర్మాతలు ఏ మాత్రం సంశయించడం లేదు. ఇందుకు కారణం.. రష్మీ ఇలాంటి హాట్ నెస్ తో గుంటూరు టాకీస్ ని ఎలా గట్టెక్కించేయడమే.

ఇప్పుడు కబాలి కి ముందు ఓ వారం గ్యాప్ లో రిలీజ్ కావడం కూడా స్ట్రాటజీ అనే చెప్పాలి. ఆ భారీ చిత్రానికి పోటీగా వేరే సినిమా ఉండదు. కాబట్టి జనాలకు రెండో ఆప్షన్ అంతం మాత్రమే అనే ఉద్దేశ్యంతోనే ఇంత ధైర్యం చేస్తున్నారు. మొత్తానికి రజినీకాంత్ విందు భోజనం పెట్టడం ఖాయంగా కనిపిస్తుంటే.. ముందే జనాలకు సూప్ తాగించి ఆకలి పెంచేందుకు రష్మీ గౌతమ్ రెడీ అయిపోతోంది.