'అంతం' కాదిది.. హాటీ రష్మీ పంతం

టాలీవుడ్ లో టాప్ హీరోయిన్ అనిపించుకోవాలి.. ఇది హాట్ యాంకర్ రష్మీ పంతం. ఎప్పటి నుంచో టాలీవుడ్ లో హీరోయిన్ గా సెటిలయ్యేందుకు ట్రై చేసి.. తర్వాత బుల్లితెరపై జబర్దస్త్ కార్యక్రమం ద్వారా మంచి ఫేమ్ సంపాదించింది. ఆ గుర్తింపును సినిమాల్లో వాడుకుంటూ.. హీరోయిన్ గా అడుగుపెట్టింది. గుంటూరు టాకీస్ తో మంచి సక్సెస్ ను అందుకున్న రష్మీ.. తన నుంచి ఏం ఆశించి అయితే ఆడియన్స్ థియేటర్లకు వచ్చారో.. అందులో ఏ మాత్రం డిజప్పాయింట్ చేయలేదు.

ఇప్పుడు అంతం అంటూ మరోసారి ప్రేక్షకుల ముందుకు రానుంది రష్మీ గౌతమ్. జూలై 7నే అంతం మూవీ ప్రేక్షకుల ముందుకు వస్తోంది. ఈ మూవీలో రష్మీ చాలానే చూపిస్తోంది.. కాసేపు ఏడుస్తోంది.. మరికాసేపు భయపడుతోంది.. ఒకసారి రొమాన్స్ చేస్తోంది.. మరోసారి అందాలు ఆరబోస్తోంది.. మొత్తం మీద మీ ఊహకందనిది ఏదో జరగబోతోంది అని మాత్రం ముందే చెబుతోందీ హాట్ యాంకర్. ట్రైలర్.. ప్రోమోలు ప్రామిసింగ్ గానే కనిపిస్తున్నాడు. దర్శక నిర్మాతలు కూడా రష్మీ అందాలనే పెట్టుబడిగా పెట్టారు.. ప్రేక్షకులను ఆకర్షించడానికి కూడా హాటీనే నమ్ముకున్నారు.

అటు మేకర్స్.. ఇటు ఆడియన్స్.. అందరి నమ్మకాలను జబర్దస్త్ భామ నిలబెట్టేట్టుగానే ఉంది. అంతం అంటూ తన పంతాన్ని గట్టిగానే చూపిస్తున్న రష్మీ.. టార్గెట్ ని రీచ్ అయ్యేలాగే కనిపిస్తోంది. గుంటూరు టాకీస్ తర్వాత.. అంతంతో కూడా ఆడియన్స్ ను థియేటర్లకు తీసుకురాగలిగితే.. హాట్ రోల్స్ కి రష్మీ కేరాఫ్ అడ్రస్ అయిపోవడం ఖాయం.