పవన్ ఖచ్చితంగా తెస్తారు: రష్మీ

జయాపజయాలతో సంబంధం లేకుండా టాలీవుడ్ లో క్రేజీ మాస్ హీరోగా పేరు తెచ్చుకున్నారు పవన్ కళ్యాణ్.. ఇప్పుడు సినిమాలు మానేసినా కానీ ఆయన అభిమాన ద్వయం మాత్రం ఎక్కడా తగ్గడం లేదు. సోషల్ మీడియాలోనైతే పవన్ మేనియా మామూలుగా ఉండడం లేదు. అయితే సినిమాల్లో స్టార్ హీరోగా ఎదిగిన పవన్ కళ్యాణ్ ప్రస్తుతం రాజకీయాల్లో తన అదృష్టాన్ని పరీక్షించుకుంటున్నారు. చంద్రబాబు- జగన్ లకు పోటీగా ఏపీలో పోరాడుతున్నారు. పరిస్థితులను బట్టి చూస్తే పవన్ పోటీ పై పెద్దగా అంచనాలు జనంలో లేవు. కానీ మార్పులు తెస్తానంటున్న పవన్ మాటలను జనాలు నమ్ముతున్నారు.

పవన్ కళ్యాణ్ కు ప్రస్తుతం సినీ రంగం నుంచి అనూహ్య మద్దతు లభిస్తోంది. ఆయన అభ్యర్థిత్వాన్ని చాలామంది సపోర్టు చేస్తున్నారు. తాజాగా పవన్ రాజకీయ ప్రస్తానం పై ఓ నెటిజన్ బుల్లితెర జబర్ధస్త్ యాంకర్ రష్మిని అభిప్రాయం అడిగారు. దీనికి రష్మి తన దైన శైలిలో సమాధానం ఇచ్చింది.

రాజకీయాల్లో మార్పును కోరుకుంటున్న ప్రజలు ఖచ్చితంగా పవన్ ను గెలిపిస్తారని ఆశిస్తున్నట్టు రష్మీ పేర్కొన్నారు. పవన్ మార్పు తెచ్చే సత్తా ఉందని రష్మీ ధీమా వ్యక్తం చేశారు. ప్రశ్నించడానికి రాజకీయాల్లోకి వచ్చానన్న పవన్.. అదే ఆశయంతో పోరాడుతున్నారు. సీఎం పదవుల పై ఆశలేదని.. ప్రజాసమస్యల పై పోరాటమే ధ్యేయమంటున్నారు. మరి వచ్చే అసెంబ్లీ ఎన్నికల్లో పవన్ పై భారీ ఆశలు పెట్టుకున్న సినిమా ప్రియుల ఆశలను పవన్ నెరవేరుస్తాడా లేదా అన్నది వేచిచూడాల్సిందే..