రోజుకు ఎన్ని సిగరెట్లు తాగుతావు ప్రశ్నకు రష్మిక ఇంట్రెస్టింగ్ ఆన్సర్‌

సెలబ్రెటీలు సోషల్‌ మీడియాలో రకరకాల ప్రశ్నలను ఎదుర్కోవాల్సి వస్తుంది. ముఖ్యంగా లైవ్ చాట్‌ కు వచ్చిన సమయంలో తిక్క ప్రశ్నలు ఎన్నో వారు చవి చూడాల్సి వస్తుంది. ఆ సమయంలో కొందరు సెలబ్రెటీలు ఆ ప్రశ్నలను స్కిప్‌ చేస్తే కొందరు మాత్రం వాటికి గట్టి సమాధానం ఇస్తారు.. కొందరు మాత్రం వాటికి తమదైన శైలిలో ఫన్నీ ఆన్సర్‌ లు ఇచ్చి ప్రశ్నించిన వారికి షాక్‌ ఇస్తారు. రష్మిక షూటింగ్ లు లేని కారణంగా ఈమద్య వరుసగా సోషల్‌ మీడియాలో సందడి చేస్తోంది. ఈమె లైవ్‌ చాట్‌ లో అభిమానులు అడిగిన ప్రశ్నలకు సమాధానాలు ఇస్తూ వస్తోంది.

ఇటీవల ఒక చిట్‌ చాట్ లో ఒక నెటిజన్‌ రష్మిక రోజుకు ఎన్ని సిగరెట్లు తాగుతుంది అంటూ ప్రశ్నించాడు. సెలబ్రెటీలు సిగరెట్లు తాగే అలవాటును కలిగి ఉంటారు. మరి రష్మికకు ఆ అలవాటు ఉందా తెలుసుకోవాలని అతడి ఉద్దేశ్యం కావచ్చు. కొందరు సెలబ్రెటీలు ఆ విషయాన్ని పట్టించుకోకుండా ప్రశ్నను స్కిప్ చేస్తారు. కాని రష్మిక మాత్రం ఆ ప్రశ్నకు సమాధానం ఇచ్చింది. సింపుల్‌ గా తాను ఎప్పుడు కూడా స్మోక్‌ చేయలేదు అని క్లారిటీ ఇచ్చింది. అంతే కాకుండా తన చుట్టు ఉన్న వారు స్మోక్ చేసినా కూడా తనకు నచ్చదని.. ఎవరు స్మోక్‌ చేయకుండా చూసుకుంటాను అంటూ చెప్పుకొచ్చింది. స్మోకింగ్‌ ప్రశ్నకు రష్మిక సమాధానంను అంతా అభినందిస్తున్నారు.

ప్రస్తుతం రష్మిక టాలీవుడ్‌ లో టాప్ స్టార్‌ హీరోయిన్ గా దూసుకు పోతుంది. పుష్ప సినిమా తో పాటు తెలుగు లో పలు సినిమా లు చేస్తున్న రష్మిక మరో వైపు తమిళం మరియు హిందీ సినిమాల్లో కూడా వరుసగా సినిమాలు చేస్తోంది. ఇక తన సొంత భాష కన్నడం లో కూడా సినిమాలు చేస్తూనే ఉంది. సౌత్‌ లో టాప్ పారితోషికంను తీసుకుంటున్న హీరోయిన్స్ లో ఒక హీరోయిన్ గా రష్మిక నిలిచింది. హిందీలో వరుసగా సినిమాలు వచ్చినా కూడా సౌత్‌ లో సినిమాలు కంటిన్యూ చేస్తానంటూ చెప్పుకొచ్చింది.