ఆ సినిమాలు అన్నింటిలోనూ రష్మీయేనా??

హీరోయిన్ అవుదామని ఇండస్ట్రీకి వచ్చి లక్ కలిసి రాక యాంకర్లు అయిపోతున్నారు కొంతమంది. అలా యాంకర్ సై టాప్ పోజిషన్లో ఉన్న వాళ్ల పేర్లు చెప్పమంటే రష్మీ గౌతమ్ కూడా కచ్చితంగా ఉంటోంది. ఒక్క షో.. ఒకే ఒక్క షో రష్మీ లైఫ్ ని ఓ రేంజ్ లో మార్చేసింది. హీరోయిన్ గా సెట్ అవుదామని ఎన్ని ప్రయత్నాలు చేస్తోన్న యాంకర్ గా రష్మీ కున్న క్రేజే వేరు.

కానీ హీరోయిన్ గా మారడానికి.. యాంకర్ గా పాపులర్ అవకముందు రష్మీ చాలా సినిమాలు చేసిందనే విషయం తెలుసా. ప్రస్థానం మూవీలో సందీప్ కిషన్ చేతిలో రేప్ కి గురయ్యే కేరెక్టర్ లో కనిపించింది ఈ జబర్ధస్త్ యాంకరే. అంతేనా కరెంట్.. గణేష్.. హోలీ.. బిందాస్ అంటూ చాలా సినిమాల్లో యంగ్ హీరోలకి ఫ్రెండ్ గా కనిపించింది. వీటన్నింటిలో రష్మీవి చిన్న రోల్సే కావడంతో ఎవరికి పెద్దగా ఎక్కలేదు. అటు తమిళ్ కన్నడలో కూడా ప్రయత్నాలు చేసింది. కానీ అదృష్టం పెద్దగా కలిసి రాకపోవడంతో బుల్లితెరలోకి దూకేసి జబర్ధస్త్ మొదలు పెట్టేసింది. అదిగో అక్కడ తిరిగింది రష్మీ సుడి.

జబర్దస్త్ కామెడీ షోలో చిట్టిపొట్టి డ్రస్ లతో ఫాలోయింగ్ ని విపరీతంగా పెంచుకొన్న రష్మీకి ఆ ఊపులో మళ్లీ ఆఫర్స్ తలుపు తట్టాయ్. ఈ సారి ఎక్కడా ఛాన్స్ ఇవ్వని ఈ యాంకరమ్మ అందాలతో సిల్వర్ స్క్రీన్ మీద రచ్చ చేసింది. గుంటూరు టాకీస్ చూసిన వాళ్లకి మిగిలిన వారందరికన్నా రష్మీనే గుర్తుండిపోవడానికి ఆ అందాలే కారణం. ఇప్పుడు పాపులార్టీ ఉంది కాబట్టి అప్పుడెప్పుడో రష్మీ యాక్ట్ చేసిన సినిమాలు టీవీలో వస్తుంటే అరే ఈ మూవీలో ఎప్పుడు యాక్ట్ చేసింది మనం ఎలా మిస్సయ్యామని కొత్తగా చూస్తున్నారు జనాలు.

అందుకే తన క్రేజ్ తగ్గకముందే ఓ వైపు హీరోయిన్ గా లక్ టెస్ట్ చేసుకుంటూనే.. ఐటమ్ సాంగ్స్ కి కూడా సై అంటోంది. మీరు ఆఫర్స్ ఇవ్వండి నేను దుమ్ము దులిపేస్తా అంటోంది. మరి రష్మీ ఇస్తోన్న ఆఫర్స్ గురించి ఎంతమంది పట్టించుకుంటారో చూడాలి.

Like Us on Facebook : https://www.facebook.com/Tupakidotcom/