రష్మిక లాక్ డౌన్‌ క్యూట్‌ లవ్‌

సౌత్‌ లో ప్రస్తుతం మోస్ట్‌ వాంటెడ్‌ హీరోయిన్‌ రష్మిక మందన్నా. బాలీవుడ్‌ లో సైతం ప్రస్తుతం ఈమె రెండు సినిమాల్లో నటిస్తున్న విషయం తెలసిందే. పుష్ప సినిమా తో పాన్ ఇండియా స్టార్‌ డంను దక్కించుకుంటానంటున్న ముద్దుగుమ్మ రష్మిక మందన్నా కరోనా లాక్‌ డౌన్ కారణంగా పలు సినిమాలు చేతిలో ఉన్నా కూడా ఇంటికే పరిమితం అయ్యి ఉంటుంది. సెలబ్రెటీలు తమ లాక్‌ డౌన్ టైమ్‌ ను ఎలా గడుపుతున్నామనే విషయాన్ని ఎప్పటికప్పుడు సోషల్‌ మీడియా ద్వారా షేర్‌ చేస్తూ వస్తున్నారు. తాజాగా రష్మిక మందన్న కూడా తన లాక్ డౌన్‌ టైమ్‌ ను సోషల్‌ మీడియా ద్వారా షేర్‌ చేసింది.

తన పెట్ డాగ్‌ తో ఆట ఆడుకుంటూ సరదాగా దిగిన ఫొటోలను షేర్‌ చేసింది. ఈ విరామ సమయంలో నాకు లభించిన మంచి టైమ్‌ పాస్‌. నా పూర్తి సమయంను ఇక్కడే గడిపేస్తున్నాను. ఇదే నా క్యూటీ ఆరా. వారు దీన్ని చూస్తే మూడు సెకన్లలో ప్రేమలో పడతారని అన్నారు. కాని నేను మాత్రం అంతకంటే తక్కువ సమయంలోనే దీని ప్రేమలో పడ్డాను. నేను ఎప్పటికప్పుడు ఆరా గురించి మీకు అప్ డేట్ ఇస్తూ ఉంటాను అంటూ ఈ ఫొటోతో పాటు షేర్‌ చేసింది. ప్రస్తుతం నెట్టింట రష్మిక పెట్‌ డాగ్‌ ఆర చర్చనీయాంశంగా మారింది.

పుష్ప సినిమా తో పాటు తమిళంలో ఒక స్టార్‌ హీరోతో ఈమె సినిమా చేస్తుంది. బాలీవుడ్‌ లో అమితాబచ్చన్ తో కలిసి నటించబోతున్నట్లుగా తెలుస్తోంది. ఇంకా పలు సినిమాలు కూడా ఈమె చేస్తోంది. షూటింగ్‌ లు మొదలు అయిన వెంటనే ఈమె పుష్ప తో జాయిన్ అవ్వబోతున్నట్లుగా సమాచారం అందుతోంది. మరో వైపు ఈమె కన్నడంలో కూడా ఒకటి రెండు సినిమాల్లో నటిస్తున్నట్లుగా తెలుస్తోంది.