రష్మి ఎక్కడా కనిపించట్లేదేంటి??

వచ్చే శుక్రవారం యాంకర్‌ రష్మి నటించిన ''అంతం'' సినిమా రిలీజ్ అవుతోంది. ఈ సందర్భంగా మరి మన హాట్‌ లేడీ ఈపాటికే ప్రమోషన్లతో రెచ్చగొట్టేయాలిగా. గతంలో గుంటూరు టాకీస్‌ సినిమా కోసం ఏ లెవెల్లో ప్రమోషన్లు చేసిందో మనకు తెలిసిన విషయమే. ఆ సినిమాలో చేసిన సువర్ణ రోల్‌ తాలూకు బోల్డ్ లుక్స్ ను ప్రమోషన్లలో కూడా ఆరబోసి.. కుర్రాళ్ళను ధియేటర్లకు పరిగెత్తించింది అమ్మడు.

ప్రస్తుతం ఓ కొత్తరకం క్రేజ్ ఎంజాయ్‌ చేస్తున్న రష్మి.. ఇప్పుడు ఈ ''అంతం'' సినిమా ప్రమోషన్లకు మాత్రం రావట్లేదు. నిజానికి అసలు గుంటూరు టాకీస్ సినిమా మొదలవ్వడానికి ఓ సంవత్సరం క్రితమే ఈ సినిమాను మొదలెట్టారట. అయితే అనివార్య కారణాల వలన రిలీజ్ చేయడానికి దాదాపు రెండు సంవత్సరాలు పట్టేసింది. కాని సినిమాను తీసిన నూతన దర్శకుడు మాత్రం ఔట్పుట్ పైన చాలా కాన్ఫిడెన్స్ తో ఉన్నాడు. సినిమాను షుమారు 300+ ధియేటర్లలో రిలీజ్ చేస్తున్నప్పటికీ రష్మి మాత్రం ప్రమోషన్ల వైపుగా రావట్లేదంతే.

ఇందుకు కారణం అప్పుడెప్పుడో చాలా తక్కువ రెమ్యూనరేషన్‌ కే సినిమాను చేయగా.. ఇప్పుడు బాగా స్టార్డమ్‌ పెరిగిపోవటం చేతనేనా? లేకపోతే ఒకవేళ నిర్మాతతో ఇంకేమైనా లావాదేవీలకు సంబంధించిన ఇష్యూలు ఉన్నాయా? అనేది మాత్రం తెలియదు.