ఇంకో అవతారం కూడా చూపిస్తుందట

సినిమా నటి అయినా.. టీవీలో ట్యాలెంట్ చూపించి హీరోయిన్ గా మారింది రష్మీ గౌతమ్. ఈమె హీరోయిన్ గా నటించిన గుంటూరు టాకీస్ మరికొన్ని రోజుల్లో విడుదల కానుంది. ఈ మూవీ ప్రచారంలో భాగంగా.. రష్మీ హాట్ స్టిల్స్, సెక్సీ పోజులే ఎక్కువగా కనిపిస్తున్నాయి. ఇంకా చెప్పాలంటే రష్మీ అందాలను ఎరవేసి, థియేటర్లకు జనాలను పిలుస్తున్నట్లుగా ఉంది ప్రచారం. ఈ భామ కూడా సినిమాలో శక్తివంచన లేకుండా రకరకాల భంగమల్లో ఆరబోసింది.

మరి హీరోయిన్ రోల్ కోసం ఇంత హాట్ గా కనిపించడం అవసరమా రష్మీ అంటే.. ఈమె దగ్గరి నుంచి ఇంకా హాట్ ఆన్సర్ వచ్చింది. సువర్ణ పాత్ర కోసం అందాలు ఆరబోయడం తప్పేం కాదని.. అసలు హాట్ గా కనిపించకుండా స్టార్ అయిన వారినో, కనీసం హీరోయిన్ అయినవారినో ఒక్కరినైనా చూపించాలని నిలదీసేసింది కూడా. ఆడియన్స్ ను ఆకట్టుకోవడానికి ఇదొక మార్గం అంతే అన్నది ఆమె ఫిలాసఫీ. ఇప్పుడు టీవీ యాంకర్లయినా, సినిమా హీరోయిన్లయినా ఈ రూట్ పట్టక తప్పదని తేల్చేసింది రష్మీ.

'గుంటూరు టాకీస్ లో హాట్ గా కనిపించిన మాట వాస్తవమే. నా నెక్ట్స్ పిక్చర్ వరకూ ఆగండి. అందులో నా మరో అవతారం చూపిస్తా. నాలో ట్యాలెంట్ ని మరో యాంగిల్ లో చూపించే అవకాశం ఆ మూవీ ద్వారా వచ్చింది' అంటూ సెలవిచ్చింది రష్మీ గౌతమ్.