సూపర్ తో సెల్ఫీ.. శ్రీవల్లి నవ్వులో సంతోషం

నేషనల్‌ క్రష్‌ రష్మిక మందన్నా ప్రస్తుతం హీరోయిన్ గా తెలుగు.. తమిళంతో పాటు హిందీలో కూడా వరుస సినిమాల్లో నటిస్తోంది. కన్నడ నుండి కూడా ఆఫర్లు వస్తూనే ఉన్నాయి.

ఇన్ని సినిమాల్లో చేస్తున్నా కూడా తమిళంలో విజయ్ కి జోడీగా వారసుడు సినిమాలో నటించడం పట్ల రష్మిక మందన్నా అమితానందం ను దక్కించుకున్నట్లు ఈ ఫోటో ను చూస్తుంటే అర్ధం అవుతుంది.

దిల్‌ రాజు నిర్మాణంలో వంశీ పైడిపల్లి దర్శకత్వంలో రూపొందుతున్న సినిమాకు సంబంధించిన షూటింగ్‌ కార్యక్రమాలు రెగ్యులర్ గా జరుగుతూనే ఉన్నాయి. సినిమా షూటింగ్ ముగింపు దశకు వచ్చినట్లుగా సమాచారం అందుతోంది. ప్రస్తుతం విజయ్ తో కలిసి రష్మిక మందన్నా షూటింగ్‌ లో పాల్గొంటున్నట్లుగా తెలుస్తోంది.

షూటింగ్‌ సందర్భంగా విజయ్ తో ఇలా సెల్ఫీ ని తీసుకుని ముద్దుగుమ్మ సోషల్‌ మీడియాలో షేర్‌ చేసుకుని తన ఆనందం ను మరియు ప్రేమను తెలియజేసింది. వారిసు అంటూ ఈ ఫోటోకి క్యాప్షన్ ఇచ్చిన రష్మిక మందన్నా చాలా స్వచ్చంగా నవ్వుతూ సెల్ఫీలో కనిపిస్తుంది.

రష్మిక నవ్వు చూస్తూ ఉంటే విజయ్ తో సెల్ఫీ దిగుతున్నందుకు ఒక సాదారణ అభిమాని ఎలా అయితే ఆనందంగా ఉంటాడో అంతకు మించి అన్నట్లుగా ఆనందంగా రష్మిక మందన్నా కనిపిస్తుంది. ఈ అమ్మడు విజయ్‌ కి అభిమానిని అంటూ పలు సందర్భాలు చెప్పుకొచ్చింది.

అందుకే విజయ్ తో సెల్ఫీ అనగానే నవ్వు మాత్రమే కాకుండా శ్రీవల్లి మొహంలో సంతోషం కూడా కనిపిస్తుంది. ఈ అమ్మడి సినిమాల విషయానికి వస్తే తెలుగు తమిళంలో రూపొందుతున్న విజయ్ వారసుడు సినిమాతో పాటు పుష్ప 2 సినిమాలో మళ్లీ శ్రీవల్లిగా ఎంటర్‌ టైన్ చేయబోతుంది. మరో వైపు హిందీలో కూడా సినిమాలో నటిస్తోంది. పలు సినిమాలు చర్చల దశలో ఉన్నాయి.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.