శ్రీ‌వ‌ల్లి ట్రోల‌ర్స్ కి స్ట‌ఫ్ ఇచ్చేస్తోందా?

'ఫుష్ప‌'తో క‌న్న‌డ సోయ‌గం ర‌ష్మిక మంద‌న్న పాన్ ఇండియా వైడ్ గా పాపులారిటీని సొంతం చేసుకుని క్రేజీ హీరోయిన్ అనిపించుకుంటోంది. నేష‌న‌ల్ క్ర‌ష్ గా కుర్ర హృద‌యాల్లో చెర‌గ‌ని ముద్ర వేసుకున్న ర‌ష్మిక‌ని మాత్రం క‌న్న‌డ ప్రేక్ష‌కులు ప్ర‌తీ చిన్న విష‌యానికి టార్గెట్ చేస్తూ నెట్టింట ర‌చ్చ చేస్తున్నారు. క‌న్న‌డ డైరెక్ట‌ర్‌, హీరో ర‌క్షిత్ శెట్టితో ఎంగేజ్ మెంట్ ని ర‌ద్దు చేసుకున్న క్ష‌ణం నుంచి ర‌ష్మిక క‌న్న‌డ ప్రేక్ష‌కుల‌కు టార్గెట్ గా మారింది.

సినిమా సినిమాకు మ‌రో స్థాయికి చేరుకుంటూ స్టార్ డ‌మ్ పాన్ ఇండియా వైడ్ గా సొంతం చేసుకుంటూ త‌న హావాని కొన‌సాగిస్తోంది. ఇదే ఏడాది బాలీవుడ్ కు ప‌రిచ‌య‌మైన ర‌ష్మిక బ్యాక్ టు బ్యాక్ అక్క‌డ మూడు క్రేజీ ప్రాజెక్ట్ ల‌లో న‌టించింది. బ్యాడ్ ల‌క్ ఏంటంటే ర‌ష్మిక నటించిన ప్ర‌తీ హిందీ మూవీ థియేట‌ర్లోకి రాకుండా డైరెక్ట్ గా ఓటీటీల్లోనే విడుద‌ల‌వుతున్నాయి. ఇదిలా వుంటే 'కాంతార‌' రిలీజ్ టైమ్ లో ట్రోల‌ర్స్ కి అడ్డంగా బుక్కైన రష్మిక ట్రోలింగ్ కు గురైంది.

రిష‌బ్ శెట్టి న‌టించి, రూపొందించిన 'కాంతార‌' మూవీపై ర‌ష్మిక ఇంత వ‌ర‌కు స్పందించ‌డం లేదేంట‌ని త‌న‌ని టార్గెట్ చేస్తూ క‌న్న‌డ ప్రేక్ష‌కులు ట్రోల్ చేయ‌డం మొద‌లు పెట్టారు. త‌న‌ని క‌న్న‌డ ఇండస్ట్రీ నుంచి బ్యాన్ చేయాల్సిందేన‌ని, నెట్టింట జోరుగా ప్ర‌చారం చేశారు.

దీంతో 'కాంతార‌' వివాదంపై ర‌ష్మిక వివ‌ర‌ణ ఇవ్వాల్సి వ‌చ్చింది. తాను 'కాంతార' మూవీని ఆల‌స్యంగా చూశాన‌ని, ఆ త‌రువాత మేక‌ర్స్ కి మెసేజ్ కూడా చేశాన‌ని చెప్పుకొచ్చింది. అయినా ట్రోర్స్ వ‌ద‌ల‌లేదు. సంద‌ర్భం... అవ‌కాశం చిక్కిన ప్ర‌తీ సారి ర‌ష్మిక‌ని అడ్డంగా బుక్ చేస్తూ విమర్శ‌లు చేస్తున్నారు.

ఇంత నెగిటివిటీ వుంద‌ని తెలిసి కూడా ర‌ష్మిక మందన్న ట్రోల‌ర్స్ కి స్ట‌ఫ్ ఇచ్చేస్తోందా అనే స్థాయిలో వ్య‌వ‌హ‌రిస్తోంది. అండ‌ర్ వేర్ యాడ్ లో న‌టించి ట్రోల‌ర్స్ కి అడ్డంగా బుక్కైన ర‌ష్మిక తాజాగా లిక్క‌ర్ బ్రాండ్ కు సంబందించిన క‌మ‌ర్షియ‌ల్ లో న‌టించింది. ఇప్పుడు ఇదే యాడ్ తో మ‌ళ్లీ ట్రోల‌ర్స్ కి అడ్డంగా బుక్ కాబోతోంది ర‌ష్మిక. చిన్న, చిన్న విష‌యాల‌నే సాకుగా చూపిస్తూ ట్రోల్ చేస్తున్న క‌న్న‌డ ఫ్యాన్స్ ర‌ష్మిక లిక్క‌ర్ యాడ్ లో న‌టించిందంటే ఊరుకుంటారా? ఓ రేంజ్ లో ఆడేసుకునే అవ‌కాశం వుంద‌నే కామెంట్ లు వినిపిస్తున్నాయి.

మ‌రి లిక్క‌ర్ బ్రాండ్ క‌మ‌ర్షియ‌ల్ తో రాబోతున్న ర‌ష్మిక ట్రోల‌ర్స్ ని ఎలా ఎదురు కుంటుందో.. త‌న‌ని ట్రోల్ చేసే వారికి ఎలాంటి కౌంట‌ర్ ఇస్తుందో చూడాలి. ర‌ష్మిక మంద‌న్న ప్ర‌స్తుతం బ‌న్నీ 'పుష్ప 2'తో పాటు విజ‌య్ 'వారీసు'లో న‌టిస్తోంది. ఇందులో 'వారీసు' 2023 సంక్రాంతికి ప్రేక్ష‌కుల ముందుకు రాబోతోంది. 'పుష్ప 2' ఇటీవ‌లే రెగ్యుల‌ర్ షూటింగ్ మొద‌లైంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.