క్రేజీ హీరోయిన్ ని డైరెక్ట్ చేస్తున్న రాహుల్ ర‌వీంద్ర‌న్‌

ఓ క్రేజీ హీరోయిన్ .. ఓ యంగ్ హీరో కాంబినేష‌న్ తాజాగా సెట్ట‌యింది. అయితే ఇక్క‌డో ట్విస్ట్ ఏంటంటే ఈ చిత్రానికి యంగ్ హీరోనే డైరెక్ట‌ర్‌. ఆ క్రేజీ హీరోయిన్.. యంగ్ డైరెక్ట‌ర్‌ మ‌రెవ‌రో కాదు ర‌ష్మిక మంద‌న్న‌, రాహుల్ ర‌వీంద్ర‌న్. `అందాల రాక్ష‌సి`తో హీరోగా ఎంట్రీ ఇచ్చిన రాహుల్ ర‌వీంద్ర‌న్ `చిల‌సౌ` చిత్రంతో ద‌ర్శ‌కుడిగా కొత్త ప్ర‌యాణాన్ని ప్రారంభించిన విష‌యం తెలిసిందే. `మ‌న్మ‌థుడు -2` తేడా కొట్ట‌డంతో గ‌త కొంత కాలంగా డైరెక్ష‌న్ కి గ్యాప్ ఇచ్చిన న‌టుడిగా కొన‌సాగుతున్నారు.

తాజాగా మ‌ళ్లీ మెగా ఫోన్ ప‌ట్టేందుకు రెడీ అయిపోయారు. ఈ చిత్రంలో క్రేజీ హీరోయిన్‌, నేష‌న‌ల్ క్ర‌ష్ గా పేరుఉ తెచ్చుకున్న క‌న్న‌డ సోయ‌గం ర‌ష్మిక మంద‌న్న హీరోయిన్ గా న‌టించ‌నుంది.

హీరోయిన్ సెంట్రిక్ ఫిల్మ్ గా రూపొంద‌నున్న ఈ చిత్రం కోసం ర‌ష్మిక పాత్ర‌ని మ‌లిచిన తీరు ఆమెకు ఎంత‌గానో న‌చ్చేసింద‌ట‌. హీరోయిన్ ఓరియెంటెడ్ ఫిల్మ్ అయినా పాత్ర, న‌ట‌న‌కు భారీ స్కోప్ వుండ‌టంతో ర‌ష్మిక వెంట‌నే రాహుల్ చిత్రానికి గ్రీన్ సిగ్న‌ల్ ఇచ్చేసిన‌ట్టుగా వార్త‌లు వినిపిస్తున్నాయి.

స‌రికొత్త నేప‌థ్యంలో రూపొంద‌నున్న ఈ మూవీ రెగ్యుల‌ర్ షూటింగ్ వ‌చ్చే ఏడాది ఫిబ్ర‌వ‌రిలో ప్రారంభం కానున్న‌ట్టుగా తెలిసింది. నిర్మాణ సంస్థ‌, కీల‌క న‌టీన‌టులు, టెక్నీషియ‌న్స్ వంటి వివ‌రాల‌తో పాటు ఈ మూవీకి సంబంధించిన కీల‌క ప్ర‌క‌ట‌న త్వ‌ర‌లోనే బ‌య‌టికి రానున్న‌ట్టుగా తెలిసింది.

ర‌ష్మిక మంద‌న్న తాజాగా విడుద‌లైన `పుష్ప : ది రైజ్‌` చిత్రంలో శ్రీ‌వ‌ల్లిగా డీగ్లామ‌ర్ పాత్ర‌లో న‌టించిన విషయం తెలిసిందే. ఈ నెల 17న ప్ర‌పంచ వ్యాప్తంగా ఐదు బాష‌ల్లో విడుద‌లైన ఈ చిత్రం రికార్డులు సృష్టిస్తే బాక్సాఫీస్ వ‌ద్ద వ‌సూళ్ల వ‌ర్షం కురినిస్తోంది.

ఇప్ప‌టికే వంద కోట్ల మైలు రాయిని దాటిన ఈ చిత్రం రానున్న రోజుల్లో మ‌రిన్ని కార్డుల్ని తిర‌గ‌రాయ‌డం కాయంగా చెబుతున్నారు. పుప్ప‌రాజ్ పాత్ర‌లో బ‌న్నీ న‌ట‌న, త‌ను ప‌లికించిన హావ భావాలు, మేన‌రిజ‌మ్ ప్రేక్ష‌కుల్ని విశేషంగా ఆక‌ట్టుకుంటున్నాయ‌ని, అంతే కాకుండా డీ గ్లామ‌ర్ పాత్ర‌లో శ్రీ‌వ‌ల్లిగా ర‌ష్మిక అభిన‌యం కూడా అంద‌రికి బాగా న‌చ్చింద‌ని, ఈ సినిమాతో ఆమె కెరీర్ మ‌రో మెట్టు ఎక్క‌డం కాయం అని ఇండ‌స్ట్రీ వ‌ర్గాల్లో వినిపిస్తోంది.

అన్న‌ట్టు ఇదే ఏడాది ర‌ష్మిక బాలీవుడ్ లో పాగా వేయ‌బోతున్న విష‌యం తెలిసిందే. రెండు క్రేజీ బాలీవుడ్‌ చిత్రాల్లో న‌టిస్తోంది. సిద్ధార్ధ్‌ మ‌ల్హోత్రాతో `మిస్ట‌ర్ మ‌జ్ను`. బాలీవుడ్ సూప‌ర్ స్టార్ అమితాబ్ బ‌చ్చ‌న్ తో క‌లిసి `గుడ్‌బై` చిత్రాల్లో న‌టిస్తోంది. చిత్రీర‌ణ ద‌శ‌లో వున్న ఈ రెండు చిత్రాల‌లో సిద్ధార్ధ్‌ మ‌ల్హోత్రాతో చేస్తున్న‌`మిస్ట‌ర్ మ‌జ్ను` చిత్రీక‌ర‌ణ పూర్తి చేసుకుని రిలీజ్ కి రెడీ అయిపోతోంది. అమితాబ్ బ‌చ్చ‌న్ తో క‌లిసి చేస్తున్న‌ `గుడ్‌బై` షూటింగ్ ద‌శ‌లో వుంది. ఇందులో సంచ‌ల‌న న‌టి నీనా గుప్తా కీల‌క పాత్ర‌లో న‌టిస్తున్నారు.