రష్మిక ఫ్యాన్ గాళ్ మూమెంట్..!

కన్నడ భామ రష్మిక మందన్న తెలుగుతో పాటుగా ఇప్పుడు తమిళంలో కూడా వరుస క్రేజీ ఆఫర్లు అందుకుంటూ అక్కడ కూడా పాగా వేయాలని చూస్తుంది. ఇప్పటికే హిందీలో కూడా రెండు సినిమాల్లో నటించిన రష్మిక మరో రెండు క్రేజీ ప్రాజెక్ట్ లకు సైన్ చేసినట్టు తెలుస్తుంది.

ప్రస్తుతం దళపతి విజయ్ తో వారసుడు సినిమా లో నటిస్తుంది రష్మిక. కన్నడ పరిశ్రమ నుంచి వచ్చినా ఎక్కువగా చిన్నప్పటి నుంచి తమిళ సినిమాలు చూసేదట అందుకే తనకు దళపతి విజయ్ అంటే చాలా ఇష్టమని ఎప్పుడూ చెబుతూ వచ్చేది. అలాంటి అభిమాన హీరోతో ఇప్పుడు స్క్రీన్ షేర్ చేసుకుంటుంది రష్మిక.

అందుకే సినిమా ముహుర్తం పెట్టిన నాటి నుంచి సినిమా షూటింగ్ లో ప్రతి రోజు ఈ మూమెంట్ ని తెగ ఎంజాయ్ చేస్తుంది అమ్మడు. అంతేకాదు ఈ షూటింగ్ టైం లో ఎన్నోసార్లు విజయ్ తో సెల్ఫీ తీసుకుందట. కలిసి నటిస్తున్నా సరే తన ఫ్యాన్ గాళ్ ఎక్సయిట్ మెంట్ ని దాచుకోలేకపోతుంది రష్మిక. ఇక లేటెస్ట్ గా మరోసారి అలాంటి సెల్ఫీనే సోషల్ మీడియాలో షేర్ చేసింది రష్మిక. వారసుడు షూటింగ్ టైం లో దిగిన ఈ సీల్ఫీలో విజయ్ తో పాటుగ ఖుష్బు కూడా ఉన్నారు.

మహర్షి తర్వాత వంశీ పైడిపల్లి డైరెక్ట్ చేస్తున్న వారసుడు సినిమా తెలుగు, తమిళ భాషల్లో బైలింగ్వల్ మూవీగా వస్తుంది. దిల్ రాజు నిర్మిస్తున్న ఈ సినిమాని 2023 సంక్రాంతికి రిలీజ్ ఫిక్స్ చేశారు. రష్మిక ఈ సినిమాతో పాటుగా పుష్ప 2 లో కూడా నటిస్తుంది.

పుష్ప సెకండ్ పార్ట్ లో రష్మిక పాత్ర పెద్దగా ఉండదని టాక్. బాలీవుడ్ లో ఇప్పటికే గుడ్ బై సినిమా చేసిన రష్మిక ఆ సినిమా ఫలితం ఆశించిన స్థాయిలో రాకపోయినా నెక్స్ట్ చేస్తున్న మిషన్ మజ్ఞు మీద ఆశలు పెట్టుకుంది. ఇక ఇదేకాకుండా సందీప్ వంగ డైరెక్ట్ చేస్తున్న యానిమల్ సినిమాలో కూడా రష్మిక లక్కీ ఛాన్స్ అందుకుంది. యంగ్ స్టార్ హీరోయిన్స్ లో రష్మిక సూపర్ ఫాం లో ఉంది. అక్కడ ఇక్కడ అనే తేడా లేకుండా అన్ని భాషల్లో అమ్మడు అదరగొట్టేస్తుంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.