ర‌ష్మిక‌ను స్టేజ్‌పైనే అవ‌మానించిన సుకుమార్‌.. ఏకేస్తున్న ఫ్యాన్స్‌

ర‌ష్మిక మంద‌న్నా.. ఈ పేరుకు ప్ర‌త్యేకంగా ప‌రిచ‌యాలు అవ‌స‌రం లేదు. త‌న‌దైన టాలెంట్‌తో అన‌తి కాలంలోనే స్టార్ హోదాను పొందిన ఈ క‌న్న‌డ సోయ‌గం.. నేష‌న‌ల్ క్ర‌ష్‌గా కూడా గుర్తింపు పొంది భారీ ఫ్యాన్ ఫాలోయింగ్‌ను సంపాదించుకుంది. అటువంటి ర‌ష్మిక‌ను స్టార్ డైరెక్ట‌ర్ సుకుమార్ స్టేజ్‌పైనే అవ‌మానించారు. పూర్తి వివ‌రాల్లోకి వెళ్తే..

శ‌ర్వానంద్‌, ర‌ష్మిక మంద‌న్నా తొలిసారి జంట‌గా న‌టించిన తాజా చిత్రం `ఆడవాళ్ళు మీకు జోహార్లు`. కిశోర్ తిరుమల దర్శకత్వం వ‌హించిన ఈ చిత్రంలో రాధికా శరత్ కుమార్, ఖుష్బు సుందర్, ఊర్వశి కీలక పాత్రలను పోషించారు. శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి ఈ సినిమాను నిర్మించ‌గా.. రాక్ స్టార్ దేవి శ్రీ ప్ర‌సాద్ స్వ‌రాలు అందించారు.

ఫ్యామిలీ ఎంట‌ర్‌టైన‌ర్‌గా రూపుదిద్దుకున్న ఈ మూవీ మార్చి 4న తేదీనా గ్రాండ్‌గా విడుద‌ల కాబోతోంది. ఈ నేప‌థ్యంలోనే మేర‌క్స్ నిన్న సాయంత్రం హైదరాబాద్‌లోని శిల్పకళావేదికలో `ఆడవాళ్ళు మీకు జోహార్లు` ప్రీ రిలీజ్ ఈవెంట్ వైభ‌వంగా నిర్వహించారు. ఈ ఈవెంట్‌కు డైరెక్ట‌ర్ సుకుమార్‌, సాయి ప‌ల్ల‌వి, కీర్తి సురేష్ స్పెష‌ల్ గెస్ట్‌లుగా విచ్చేశారు.

అయితే ఈ సంద‌ర్భంగా సుకుమార్ స్టేజ్‌పై మాట్లాడుతూ.. సాయి ప‌ల్ల‌వి, కీర్తి సురేష్‌తో పాటు స‌మంతపై సైతం ప్ర‌శంస‌ల వ‌ర్షం కురిపించారు. ఆపై అక్క‌డే ఉన్న‌ రష్మికని నీ పేరేంటి? అని సుకుమార్ ప్రశ్నించి అంద‌రినీ ఆశ్చ‌ర్య‌ప‌రిచాడు. మ‌ళ్లీ వెంటనే రష్మిక మందన్నా అంటూ ఆయనే చెప్పి.. ఆమె గొప్ప న‌టి అంటూ పొగిడేశారు.

సుకుమార్ ప్ర‌వ‌ర్త‌న‌కు స్టేజ్‌పై ఉన్న వాళ్లంతా న‌వ్వుకున్నారు. కానీ, రష్మికతో `పుష్ప` వంటి పాన్ ఇండియా సినిమా చేసిన సుకుమార్ ఆమె పేరే మర‌చిపోవడం ఇప్పుడు హాట్‌ టాపిక్ మారింది. ఈ క్ర‌మంలోనే ర‌ష్మిక ఫ్యాన్స్ ఆయ‌న్ను సోష‌ల్ మీడియా వేదిక‌గా ఏకేస్తూ ఘోరంగా ట్రోల్ చేస్తున్నారు.