ర‌ణ‌బీర్ 'యానిమ‌ల్'లో ర‌ష్మిక‌..!

రణబీర్ కపూర్ న‌టిస్తున్న ప్ర‌తిష్ఠాత్మ‌క చిత్రం `యానిమల్` ప్ర‌స్తుతం సెట్స్ పై ఉన్న సంగ‌తి తెలిసిందే. ఈ సినిమా గురించి ఒక ఎగ్జ‌యిటింగ్ అప్ డేట్ తాజాగా అందింది. బాలీవుడ్ మీడియా నివేదిక ప్రకారం.. సందీప్ రెడ్డి వంగా దర్శకత్వం వహిస్తున్న ఈ చిత్రంలో రష్మిక మందన్న క‌థానాయిక‌గా న‌టించ‌నుంద‌ని తెలిసింది. ఇటీవల పరిణీతి చోప్రా ఈ మూవీ నుంచి త‌ప్పుకుంద‌న్న ప్ర‌చారం న‌డుమ ఈ వార్త ప్రాధాన్య‌త‌ను సంత‌రించుకుంది. ఇంతియాజ్ అలీ `చమ్కిలా` కోసం కాల్షీట్ల‌ను కేటాయించిన ప‌రిణీతికి డేట్ ఇష్యూ వ‌చ్చింద‌ని క‌థ‌నాలు గుప్పుమ‌న్నాయి. అందుకే యానిమ‌ల్ నుండి నిష్క్రమించాలని నిర్ణయించుకుంది.

1 జనవరి 2021న సోషల్ మీడియాలో యానిమ‌ల్ చిత్రాన్ని ప్రకటించింది చిత్ర‌బృందం. తండ్రి కొడుకుల మ‌ధ్య ఎమోష‌న‌ల్ డ్రామా నేప‌థ్యంలో సినిమా ఇది. క్రైమ్ డ్రామా క‌థాంశంలో రణబీర్ కపూర్ క‌థానాయ‌కుడు. అత‌డు నెగెటివ్ షేడ్ ఉన్న పాత్రలో నటిస్తున్నారు. ఈ చిత్రంలో రష్మిక మందన్న అతని భార్య పాత్రను పోషిస్తుంది.

ప్రాజెక్ట్ కి సన్నిహిత వ్య‌క్తుల క‌థ‌నాల ప్ర‌కారం..భూషణ్ కుమార్ - సందీప్ రెడ్డి వంగా బృందం క‌న్న‌డ న‌టి రష్మిక ఈ పాత్ర‌కు సరిపోతారని భావించారు. ర‌ణ‌బీర్ స‌ర‌స‌న పాత తార‌ల్ని కాకుండా కొత్త తారాగణాన్ని కోరుకున్నారు. రష్మిక యానిమల్ లో ర‌ణ‌బీర్ తో కెమిస్ట్రీ పండించ‌నుంది. ఇద్దరూ ఈ చిత్రంలో ర‌క్తి క‌ట్టించే న‌ట‌న‌తో ఆక‌ట్టుకుంటార‌ని భావిస్తున్నారు.

రణబీర్ కపూర్ యానిమల్ లో డార్క్ షేడ్ ఉన్న పాత్ర‌లో ఎమోష‌న‌ల్ గా క‌నిపిస్తాడు. ఇంత‌కుముంద యానిమ‌ల్ ప్రకటన వీడియోలో.. తన తండ్రితో తన పాత్ర సమస్యాత్మక సంబంధం గురించి రివీల్ చేశాడు. అదే సందర్భంలో రణబీర్ ఏమ‌న్నాడంటే.. పాపా అగ్లే జనమ్ మే ఆప్ మేరా బేటా బన్నా. ఫిర్ దేఖ్నా మెయిన్ ఆప్కో కైసే ప్యార్ కర్తా హున్ ఔర్ సిఖ్నా ఆప్. క్యుంకీ ఉస్కే అగ్లే జనమ్ మే వాపిస్ మెయిన్ బేటా ఔర్ ఆప్ పాపా. తబ్ నా పాపా,.. అప్నీ తారా సే ప్యార్ కర్నా,.. మేరీ తరహ్ సే నహీ. ఆప్ సమాజ్ రహే హో నా పాపా? బాస్ ఆప్ సమాజ్ లో తో కాఫీ హై.. అంటూ డైలాగ్ చెప్పాడు. ఆ వీడియో తుపాకీ కాల్పులతో ముగుస్తుంది. యానిమల్ చిత్రాన్ని భూషణ్ కుమార్- ప్రణయ్ రెడ్డి వంగా- క్రిషన్ కుమార్ - మురాద్ ఖేతాని నిర్మిస్తున్నారు. చిత్ర తారాగణంలో అనిల్ కపూర్ - బాబీ డియోల్ కూడా ఉన్నారు.

ఇక‌పోతే ప‌రిణీతి చోప్రా ఇంత‌కుముందు మ‌రో క్రేజీ ప్రాజెక్ట్ ని కూడా కోల్పోయింది. మ‌రోవైపు శ్ర‌ద్ధా క‌పూర్ న‌టించాల్సిన సైనా నెహ్వాల్ బ‌యోపిక్ లో ప‌రిణీతి నాయిక‌గా ఎంపికైన సంగ‌తి తెలిసిందే. ఈ మూవీ చిత్రీక‌ర‌ణ ద‌శ‌లో ఉంది. ప‌రిణితి మ‌రో రెండు సినిమాలతో బిజీగా ఉంది. రిబు దాస్ గుప్తా ద‌ర్శ‌క‌త్వంలో ఓ సినిమా చేస్తోంది. అలాగే మ‌రో క్రేజీ యూత్ ఫుల్ సినిమాలోనూ న‌టిస్తోంది.

అయితే దానికి సంబంధించిన‌ పూర్తి వివ‌రాలు ఇంకా బ‌య‌ట‌కు రాలేదు. మ‌రికొన్ని ప్రాజెక్ట్ ల‌కు సైన్ చేసింది. ఇక ద‌క్షిణాదిన సినిమాలు చేయాల‌ని పారీ ఎంతో ఆశ‌ప‌డుతుంది. కానీ స‌రైన అవ‌కాశం రాలేదు. ఆ మ‌ధ్య ఓ త‌మిళ్ సినిమాలో హీరోయిన్ గా ఎంపికైంద‌ని ప్ర‌చారం సాగిందిగానీ చివ‌రిగా ఛాన్స్ మిస్ అయిన‌ట్లు తెలుస్తోంది.