ర‌ష్మిక ల‌క్కు అలా క‌లిసొచ్చింది

తెలుగులో వ‌రుస క్రేజీ ఆఫ‌ర్ల‌తో దూసుకుపోతూ ప్రేక్ష‌కుల్ని ఫిదా చేస్తోంది క‌న్న‌డ సోయ‌గం రష్మిక మంద‌న్న‌. సౌత్‌లో క్రేజీ హీరోయిన్ గా పేరు తెచ్చుకున్న ర‌ష్మిక ప్ర‌స్తుతం `పుష్ప‌`తో పాన్ ఇండియా పై క‌న్నేసింది. ఈ మూవీ రిలీజ్ కి ముందే బాలీవుడ్ లో రెండు క్రేజీ ఆఫ‌ర్ల‌ని ద‌క్కించుకుని షాకిచ్చేసింది. సిద్ధార్ధ్ మ‌ల్హోత్రా న‌టిస్తున్న `మిష‌న్ మ‌జ్ను`తో పాటు బిగ్‌బి అమితాబ్ బ‌చ్చ‌న్ తోనూ క‌లిసి మ‌రో సినిమా క‌మిట్ అయింది. ఈ రెండు చిత్రాల‌తో నెక్ట్స్ లెవెల్ స్టార్ డ‌మ్‌ని సొంతం చేసుకోవాల‌ని చూస్తోంది.

వ‌రుస‌గా బిగ్ టికెట్ మూవీస్‌ని త‌న ఖాతాలో వేసుకుంటున్న ర‌ష్మిక అదే జోరుని క‌మ‌ర్షియ‌ల్ యాడ్స్ విష‌యంలోనూ చూపిస్తోంది. సినిమాల్లో న‌టిస్తూనే మ‌రో ప‌క్క క్రేజీ క‌మ‌ర్షియ‌ల్స్ ని కూడా వ‌ద‌ల‌డం లేదు. విక్కీ కౌష‌ల్ తో క‌లిసి ఓ యాడ్ లో క‌నిపించి విమ‌ర్శ‌ల‌తో హాట్ టాపిక్ గా నిలిచింది.

అయితే ఈ క‌మ‌ర్షియ‌ల్ యాడ్ కోసం ముందు ర‌ష్మిక‌ని ఎంపిక చేయ‌లేద‌ట‌. ముందు కియారాని సంప్ర‌దించిన మేక‌ర్స్ ఆమె డేట్స్ కుద‌ర‌క‌పోవ‌డంతో అన‌న్య పాండే, సారా అలీఖాన్ ని అడిగార‌ట‌. ఆ ఇద్ద‌రికి కుద‌ర‌క‌పోవ‌డంతో చివ‌రికి ర‌ష్మిక‌ని వ‌రించిన‌ట్టుగా తెలిసింది. ఈ విష‌యం తెలిసిన వాళ్లంతా ర‌ష్మిక‌కు ల‌క్కు అలా క‌లిసొచ్చింద‌ని అంటున్నారు.సెప్టెంబ‌ర్ లో టెలీకాస్ట్ అయిన ఈ యాడ్ మిక్స్‌డ్ రివ్యూస్‌ని రాబ‌ట్టింది.

అంతే కాకుండా ర‌ష్మిక ఈ యాడ్ లో వ్య‌వ‌హ‌రించిన తీరుకు నెటిజ‌న్ లు ఓ రేంజ్ లో ఆమెని ఆడుకున్నారు. ఇదిలా వుంటే `పుష్ప‌` లో శ్రీ‌వ‌ల్లిగా డీగ్లామ‌ర్ పాత్ర‌లో న‌టించిన ర‌ష్మిక ఈ చిత్రంపై భారీ అంచ‌నాలే పెట్టుకుంది. `స‌రిలేరు నీకెవ్వ‌రు` వంటి సినిమా త‌రువాత చేస్తున్న రెండ‌వ భారీ చిత్రం కావ‌డం.. పాన్ ఇండియా లెవెల్లో విడుద‌ల కానుండ‌టంతో ర‌ష్మిక ఈ ప్రాజెక్ట్ పై చాలా హోప్ పెట్టుకుంద‌ని చెబుతున్నారు. `రంగ‌స్థ‌లం`లో స‌మంత త‌ర‌హాలో డీ గ్లామ‌ర్ పాత్ర చేస్తుండ‌టంతో ఈ చిత్రం న‌టిగా త‌న స్థాయిని పెంచేస్తుంద‌ని గ‌ట్టి న‌మ్మ‌కంతో ర‌ష్మిక వుంద‌ని ఆమె అభిమానులు చెబుతున్నారు.