టిక్ టాక్ లో ర‌ష్మిక కిరాక్ స్టెప్స్

సూప‌ర్ స్టార్ మ‌హేష్ క‌థానాయ‌కుడిగా న‌టిస్తున్న తాజా చిత్రం స‌రిలేరు నీకెవ్వ‌రు. అనీల్ రావిపూడి ద‌ర్శ‌కుడు. అనీల్ సుంక‌ర‌- దిల్ రాజు నిర్మాత‌లు. ఈ చిత్రంలో మ‌హేష్ స‌ర‌స‌న ర‌ష్మిక మంద‌న క‌థానాయిక‌గా న‌టిస్తోంది. సంక్రాంతి కానుక‌గా జ‌న‌వ‌రి 11న సినిమా రిలీజ్ కానుంది. ప్ర‌స్తుతం ప్ర‌చారం ప‌రంగా చిత్ర‌బృందం ర‌క‌ర‌కాల మాధ్య‌మాల్ని అనుస‌రిస్తోంది. తాజాగా టిక్ టాక్ వేదిక‌గా ప్ర‌చారం చేయ‌డం ఆస‌క్తిని రేకెత్తిస్తోంది.

ప్ర‌తి సోమ‌వారం మాస్ ఎంబీ పాట‌ల్ని అభిమానుల‌కు కానుక‌గా అందిస్తామ‌ని స‌రిలేరు చిత్ర‌బృందం ఇంత‌కుముందు ప్ర‌క‌టించిన సంగ‌తి తెలిసిందే. ఇప్ప‌టికే రెండు లిరిక‌ల్ వీడియోల్ని రిలీజ్ చేసారు. ఈ సోమ‌వారం సాయంత్రం `హి ఈజ్ సో క్యూట్` అంటూ సాగే పాట‌ను రిలీజ్ చేయ‌నున్నారు. తాజాగా ర‌ష్మిక మంద‌న‌ టిక్ టాక్ లో ఈ విష‌యాన్ని అదిరిపోయే స్టెప్పు వేసి మ‌రీ మ‌హేష్ అభిమానుల‌కు రివీల్ చేసింది. సింపుల్ స్టెప్స్ కిరాక్ ఎక్స్ ప్రెష‌న్స్ తో ర‌ష్మిక అద‌ర‌గొట్టేసింది. ఇక పూర్తి పాట‌లో ఇంకే లెవ‌ల్లో డ్యాన్సులు చేసిందో ఫ్యాన్స్ ఊహ‌కే వ‌దిలేయాలి.

తొలి రెండు పాట‌ల‌కు రొటీన్ ట్యూన్స్ వినిపించాడ‌ని దేవీశ్రీ‌పై సంగీత ప్రియులు విమ‌ర్శ‌లు గుప్పించారు. ఈ మూడో పాట సెంటిమెంట్ ప్ర‌కారం.. డిసెంబ‌ర్ 16 సాయంత్రం 5:04కి రిలీజ‌వుతోంది కాబ‌ట్టి స్పందన ఎలా ఉండ‌నుందో వేచి చూడాలి. ఇక స‌రిలేరు నీకెవ్వ‌రు చిత్రీక‌ర‌ణ ఇప్ప‌టికే ముగింపులో ఉంది. జ‌న‌వ‌రి 1న ట్రైల‌ర్ తో పాటు తొలివారంలో ప్రీరిలీజ్ వేడుక‌ను నిర్వ‌హించ‌నున్నార‌ని తెలుస్తోంది. ప్ర‌తి సోమ‌వారం య‌థావిధిగా లిరిక‌ల్ వీడియోల ట్రీట్ కొన‌సాగుతుంది