నీ సీక్రెట్ గిఫ్ట్ అందింది.. ఐ లవ్ ఇట్: రష్మిక

యంగ్ హీరోయిన్ రష్మిక మందన ప్రస్తుతం సోషల్ మీడియాలో సెన్సేషన్ అవుతోంది. ఎందుకో తెలుసా.. ఆమెను సీక్రెట్ గా ఆరాధించే వ్యక్తి ఆమెకు గిఫ్ట్ పంపించాడు. ఆ గిఫ్ట్ తీసుకొని రష్మిక కూడా సోషల్ మీడియా వేదికగా స్పందించడంతో ప్రస్తుతం ఆ ఉంగరం విషయం హాట్ టాపిక్ గా మారింది. మరి అసలు ఆ రింగ్ కథేంటో తెలుసుకోవాలని అందరిలో ఆసక్తి నెలకొంది. కానీ రష్మిక 'నీ రింగ్ అందింది.. ఐ లవ్ ఇట్' అని ఆపేసింది. మరి తర్వాత ఏంటీ.. అన్నట్లుగా అభిమానులు, నేటిజన్లు ఎదురుచూస్తున్నారు. నిజానికి రష్మిక నుండి ఏదైనా గుడ్ న్యూస్ వినిపిస్తుందేమో అని అంతా భావించారు. కానీ తెలివిగా రింగ్ గురించి మాత్రమే మాట్లాడి సస్పెన్స్ లో పెట్టేసింది ఈ యంగ్ సెన్సేషన్. ప్రస్తుతం రష్మికకు నేషనల్ వైడ్ క్రష్ ఏర్పడింది.

ఎందుకంటే ఇటు తెలుగు, తమిళ, కన్నడ భాషలతో పాటు బాలీవుడ్ ఇండస్ట్రీలో కూడా రెండు సినిమాలు చేస్తోంది. అలాగే త్వరలో పాన్ ఇండియా స్టార్డం అందుకోనుంది రష్మిక. తాజాగా హోలీ సందర్బంగా అమ్మడికి ఓ సీక్రెట్ వ్యక్తి నుండి గిఫ్టుగా రింగ్ అందింది. ఆ రింగ్ పెట్టుకొని రష్మిక ఇంస్టాగ్రామ్ వేదికగా.. 'నువ్ పంపిన రింగ్ అందింది. ఎవరైతే ఈ గిఫ్ట్ పంపించారో నాకు చేరిందని తెలుసుకోండి. నేను మీ సీక్రెట్ లిటిల్ సందేశం చదివాను. నాకు మీ గిఫ్ట్ పర్ఫెక్ట్ గా సరిపోయింది. అలాగే నాకెంతో నచ్చింది' అంటూ పోస్ట్ చేసింది. ప్రస్తుతం రష్మిక రింగ్ మేటర్ నెట్టింట హల్చల్ చేస్తుండగా.. ఆ రింగ్ ఎవరు పంపారో.. బాయ్ ఫ్రెండ్ కావచ్చు అంటూ సందేహాలు మాత్రం యధావిధిగా వ్యక్తం అవుతున్నాయి. ఇదిలా ఉండగా.. ప్రస్తుతం రష్మిక పాన్ ఇండియా మూవీ పుష్పతో పాటు బాలీవుడ్ డెబ్యూ మూవీ 'మిషన్ మజ్ను' సినిమాలో నటిస్తోంది.