'మినీ ఫ్రాక్'లో క్యూట్ పాన్ ఇండియా క్రష్..!

ప్రస్తుతం సినీ ఇండస్ట్రీలో గాని సోషల్ మీడియాలో గాని సెన్సేషన్ అవుతున్న హీరోయిన్ ఎవరైనా ఉన్నారంటే అది యంగ్ బ్యూటీ రష్మిక మందన. ఈ కుర్రభామను ఆరాధించే వారు దేశవ్యాప్తంగా మిలియన్స్ లో ఉన్నారు. అయితే అందులో అందరూ రష్మికను ఆరాధిస్తున్నట్లు నేరుగా చెప్పకుండా సీక్రెట్ గా ఫాలో చేసేవారు కూడా మిలియన్స్ లోనే ఉన్నారు. అయితే మొన్నామధ్యలో ఓ సీక్రెట్ ఆరాధించే వ్యక్తి గురించి కూడా పోస్ట్ పెట్టి షాకిచ్చింది అమ్మడు. కానీ ఆ వ్యక్తి ఎవరనేది బయటపెట్టలేదు. ఎందుకంటే అది సీక్రెట్ అని ముందే చెప్పింది కాబట్టి. కానీ ఫ్యాన్స్ ఊరుకుంటారా! అసలే అందంగా ఉంది.

అందులోను అభిమాన హీరోయిన్.. మరి ఫ్యాన్స్ అన్నప్పుడు ఆ మాత్రం హీరోయిన్ గురించి ప్రతి విషయం ఆసక్తిగానే ఉంటుంది. ఇటీవలే అమ్మడు పుట్టినరోజు జరుపుకుంది. ఆ రోజు రష్మికకు ఓ స్పెషల్ రింగ్ గిఫ్ట్ వచ్చింది. అప్పటినుండి ఫ్యాన్స్ లో ఒకటే ఆరాటం. ఆ పంపింది ఎవరు రష్మిక అయితే ప్రస్తుతం సింగిల్. మరి ఈ సీక్రెట్ లవ్ సింబల్స్ ఏంటి.. అంటూ తెగఆలోచనలో పడ్డారు. కానీ అమ్మడు మాత్రం హాయిగా తనపని తాను చేసుకుంటోంది. ప్రస్తుతం అమ్మడు మోస్ట్ వాంటెడ్ హీరోయిన్ అయిపోయింది. ఎందుకంటే ఇటు తెలుగు, తమిళ, కన్నడ భాషలతో పాటు బాలీవుడ్ ఇండస్ట్రీలో కూడా రెండు సినిమాలు చేస్తోంది.

అలాగే త్వరలో పాన్ ఇండియా స్టార్డం అందుకోనుంది రష్మిక. ఎలాగంటే.. పుష్ప సినిమాతో. స్టైలిష్ స్టార్ అల్లు అర్జున్ హీరోగా తెరకెక్కుతున్న పాన్ ఇండియా మూవీ అది. సుకుమార్ దర్శకత్వంలో రూపొందుతున్న ఈ సినిమాలో రష్మిక పక్కా పల్లెటూరు అమ్మాయిగా కనిపించనుంది. ఇదిలా ఉండగా.. సోషల్ మీడియాలో ఎల్లప్పుడూ లేటెస్ట్ ఫోటోస్ పోస్ట్ చేస్తుంటుంది రష్మిక. తాజాగా అమ్మడి ఫోటోస్ ఇంస్టాగ్రామ్ వేదికగా వైరల్ అవుతున్నాయి. ఆ ఫోటోలో అమ్మడు బేబీ పింక్ కలర్ మినీ ఫ్రాక్ ధరించి చాలా క్యూట్ గా పోజిచ్చింది. పప్పి పోజులో కూడా చాలా క్యూట్ గా ఉంది రష్మిక. ప్రస్తుతం అమ్మడిని అలా చూస్తూ ఫ్యాన్స్ లైక్స్ వర్షం కురిపిస్తున్నారు. ప్రస్తుతం రష్మిక పుష్పతో పాటు బాలీవుడ్ డెబ్యూ మూవీ 'మిషన్ మజ్ను' సినిమాలో నటిస్తోంది.