త్రోబ్యాక్ అందాలతో సూపర్ స్టార్ బ్యూటీ.. వైరల్ పిక్!

టాలీవుడ్ ఇండస్ట్రీకి ఛలో సినిమాతో పరిచయమైన కన్నడ భామ రష్మిక మందన. డెబ్యూ సినిమాతోనే మంచి హిట్ అందుకొని టాలీవుడ్ యూత్ అందరిని తన వలలో వేసుకుంది అమ్మడు. నిజానికి రష్మిక చిలిపితనం, క్యూట్ క్యూట్ హావభావాలు కుర్రకారుకి విపరీతంగా నచ్చేసాయి. అప్పటినుండి అమ్మడి క్యూట్ నెస్ కు ఛలో - గీతగోవిందం -, సరిలేరు నీకెవ్వరూ - భీష్మా లాంటి వరుస విజయాలు ఖాతాలో వేసుకుంది. ఇలా వరుసగా హిట్స్ పడటంతో టాలీవుడ్ లో అమ్మడికి స్టార్ హీరోయిన్ స్టేటస్ వరించింది. అలాగే సినిమాలపరంగా భారీ డిమాండ్ కూడా పెరిగిపోయింది.

గతేడాది సూపర్ స్టార్ మహేష్ బాబుతో సరిలేరు నీకెవ్వరు, నితిన్ తో భీష్మా సినిమాలతో భారీ విజయాలను అందుకొని ఫ్యాన్ ఫాలోయింగ్ కూడా భారీగానే వెనకేసుకుంది. ప్రస్తుతం టాలీవుడ్ బాక్సాఫీస్ షేక్ చేస్తున్న హీరోయిన్స్ లిస్టులో చేరేలా కనిపిస్తుంది. కెరీర్ ప్రారంభం నుండి తెలుగులో రష్మిక విజయపరంపర విజయవంతంగా కొనసాగుతుంది. ప్రస్తుతం ఇండస్ట్రీలో స్టార్ హీరోయిన్ గా ఎదుగుతోంది రష్మిక. అమ్మడు సినిమాలే కాకుండా అప్పుడప్పుడు బ్యూటీ మ్యాగజైన్స్ లో కూడా దర్శనమిస్తుంది. ఎల్లప్పుడూ సోషల్ మీడియాలో అభిమానులకు అందుబాటులో ఉంటూ లేటెస్ట్ ఫోటోలు పోస్ట్ చేస్తోంది. అన్నట్టు రష్మిక ఎలాంటి ఫోటో పోస్ట్ చేసినా ఇట్టే వైరల్ అయిపోతుంది.

ఈ మధ్య కాలంలో మన స్టార్ హీరోయిన్లు వాళ్లకు సంబంధించిన ప్రతి విషయాన్ని అభిమానులతో పంచుకుంటున్నారు. అలాగే తెలుగులో తనకంటూ ప్రత్యేక గుర్తింపు తెచ్చుకున్న రష్మిక వర్కౌట్ చేస్తున్నటువంటి త్రోబ్యాక్ ఫోటోను ఇంస్టాగ్రామ్ లో షేర్ చేసింది. ప్రస్తుతం ఆ ఫోటో సోషల్ మీడియాలో తెగవైరల్ అవుతోంది. బ్లాక్ వర్కౌట్ షార్ట్స్ లో రష్మిక.. పాతికేళ్ల సోయగాలు చూస్తూ ఫ్యాన్స్ ఫిదా అవుతున్నారు. అలా స్మైలింగ్ ఫేస్ తో ఫోటోకు పోజిచ్చింది అమ్మడు. ఇదిలా ఉండగా.. ప్రస్తుతం రష్మిక అల్లు అర్జున్ సరసన పుష్ప అనే పాన్ ఇండియా మూవీలో నటిస్తోంది. అలాగే త్వరలోనే బాలీవుడ్ డెబ్యూకు సిద్ధం అవుతోంది.