ఈఫిల్ ట‌వ‌ర్ ఎక్కినంత జోష్ లో ర‌ష్మిక‌

త‌క్కువ టైమ్ లో ఎక్కువ పాపులారిటీతో వెలిగిపోతున్న నాయిక‌గా ర‌ష్మిక పేరు ముందు వ‌రుస‌లో ఉంది. ప్రస్తుతం ర‌ష్మిక మంద‌న కెరీర్ జెట్ స్పీడ్ తో ప‌రుగులు పెడుతోంది. టాలీవుడ్.. బాలీవుడ్ లో బ్యాక్ టూ బ్యాక్ సినిమాలు చేస్తూ బిజీగా ఉంది. దీంతో ఈ బ్యూటీ అల‌స‌ట నుంచి బ్రేక్ ఇవ్వాల‌నుకుంద‌ట‌. అందుకే కొద్దిరోజుల పాటు షూటింగ్ కి బ్రేక్ ఇచ్చి ప్యారిస్ ట్రిప్ వెళ్లింది. ప్యారిస్ అందాల్ని లైవ్ లీగా ఆస్వాధిస్తూ ఆ ఫోటోల్ని ఇన్ స్టా వేదిక‌గా అభిమానుల‌కు షేర్ చేసింది.

``ప్రియ‌మైన డైరీ ప్యారిస్ లో నా మొద‌టి రోజు ఇలా ఉంది. నా ప్యారిస్ ట్రిప్ ను ఫోటో డంప్ చేయాల‌ని ఆలోచిస్తున్నాను. ఏం జ‌రిగిందో మీకు టెక్స్ట్ ద్వారా చెప్ప‌డం కంటే చూపిస్తాను`` అంటూ రాసుకొచ్చింది. ఈ బ్యూటీ వెకేష‌న్స్ కి వెళ్ల‌డం చాలా రేర్ . ఖాళీ స‌మ‌యం దొరికితే త‌ల్లిదండ్రుల‌తో బెంగుళూరులోనే ఎక్కువ‌గా గ‌డుపుతోంది.

త‌ల్లి అంటే ర‌ష్మిక కి విప‌రీత‌మైన ప్రేమాభిమానం.. త‌న త‌ల్లితో క‌లిసి దిగిన ఫోటోల్ని చాలా సంద‌ర్భాల్లో షేర్ చేసింది. మాతృమూర్తిని సైతం త‌న అల్ల‌రి చేష్ట‌ల‌తో చిన్న పాపాయిని చేసేస్తోంది. త‌న‌లో ఆ చ‌లాకీత‌నం త‌ల్లి నుంచే అబ్బింద‌ని చాలాసార్లు చెప్పింది. మామ్ ఎంక‌రేజ్ మెంట్ తోనే న‌టిగా ఇంత‌వ‌ర‌కూ ముందుకు వ‌చ్చాన‌ని.. త‌న స‌క్సెస్ క్రెడిట్ ని సైతం మామ్ కి డెడికేట్ చేసింది ర‌ష్మిక‌. అయితే ఈ ప్యారిస్ ట్రిప్ లో మాత్రం త‌ల్లి లేదు. సింగిల్ గానే వెకేష‌న్ కి వెళ్లింది.

ఇక ర‌ష్మిక సినిమాల విష‌యానికి వ‌స్తే... స్టైలిష్ స్టార్ అల్లు అర్జున్ స‌ర‌స‌న పాన్ ఇండియా చిత్రం `పుష్ప‌`లో న‌టిస్తోంది. ఇందులో శ్రీవ‌ల్లి అనే గిరిజ‌న యువ‌తి పాత్ర‌లో న‌టిస్తోంది. ఇప్ప‌టికే రివీలైన ఆ పాత్ర ఫ‌స్ట్ లుక్ పోస్ట‌ర్ కి మంచి రెస్పాన్స్ వ‌చ్చింది. అలాగే ట్రైల‌ర్ కూడా సినిమాపై అంచ‌నాల్ని అంకంత‌కు పెంచేస్తోంది. ఈనెల‌లోనే సినిమా రిలీజ్ కానుంది. ఇక బాలీవుడ్ లో `మిష‌న్ మ‌జ్ను`..`గుడ్ బై` చిత్రాల్లో ర‌ష్మిక మంద‌న న‌టిస్తోంది. `మిష‌న్ మ‌జ్ను` లో సిద్ధార్ధ్ మ‌ల్హోత్రాతో క‌లిసి ఓ సినిమా చేస్తోంది. బాలీవుడ్ లో డెబ్యూ మూవీతోనే క్రేజీ భామ‌గా పేరు తెచ్చుకోనుంది. నేష‌న‌ల్ క్ర‌ష్ ర‌ష్మిక అమితాబ్ తోనూ ఓ సినిమా చేస్తూ టాక్ ఆఫ్ ది ఇండ‌స్ట్రీ అయ్యింది.