శ్రీవల్లికి ఆ విషయం ముందే తెలుసా?

తాజాగా జరిగిన ఫిల్మ్‌ ఫేర్ అవార్డుల వేడుకలో పుష్ప అవార్డుల పంట పండించుకుంది. ఉత్తమ సినిమా.. ఉత్తమ నటుడు.. ఉత్తమ దర్శకుడు.. ఉత్తమ సంగీత దర్శకుడు.. ఉత్తమ గాయిని.. ఉత్తమ సినిమాటోగ్రాఫర్ ఇలా పలు కేటగిరీల్లో పుష్ప అవార్డును సొంతం చేసుకుంది. శ్రీవల్లి పాత్రలో నటించిన రష్మిక కి కూడా తప్పకుండా అవార్డ్‌ ఖాయం అని అంతా అనుకున్నారు.

అవార్డుల జాబితా ప్రకటిస్తున్న సమయంలో కూడా కచ్చితంగా పుష్ప హీరోయిన్ ఉత్తమ నటి కేటగిరీ లో లేదా క్రిటిక్స్ కేటగిరీలో అయినా అవార్డును సొంతం చేసుకుంటుందని అంతా భావించారు. ఉత్తమ నటి గోస్ టు రష్మిక మందన్నా అంటూ పిలిచిన సమయంలో ఆమె తరఫున ఎవరు వెళ్తారు.. ఆమె వెళ్లి మాల్దీవ్స్ లో ఉంది కదా అని కొందరు చర్చించుకున్నారట.

తీరా ఉత్తమ నటి రెండు విభాగాలకు కూడా సాయి పల్లవి పేరునే పిలిచారు. సాయి పల్లవి రెండు సార్లు ఫిల్మ్ ఫేర్‌ అవార్డును తీసుకుంది. సాయి పల్లవి నటనకు ఫిల్మ్‌ అవార్డ్‌ కచ్చితంగా అందుకోవాల్సిందే. అయితే శ్రీవల్లి పాత్రలో ఒక మంచి పాత్రలో నటించడంతో పాటు మంచి నటన మరియు బాడీ లాంగ్వేజ్ తో శ్రీవల్లి మెప్పించింది.

అంత కష్ట పడ్డ శ్రీవల్లి పాత్ర కు ఫిల్మ్‌ ఫేర్ అవార్డు రాలేదని ముందుగానే రష్మిక మందన్నాకి ఇన్ఫార్మేషన్ లీక్ అయినట్లుగా ఉంది. అందుకే ఫిల్మ్‌ ఫేర్‌ అవార్డుల వేడుక సందర్భంగా ఆమె లేకుండా మల్దీవ్స్ కి వెళ్లిన విషయం తెల్సిందే. ప్రస్తుతం రష్మిక మందన్నా మాల్దీవ్స్ లో ఫుల్‌ గా ఎంజాయ్ చేస్తోంది.

ఫిల్మ్‌ ఫేర్‌ రాలేదనే దిగులు ఆమెకు పెద్దగా లేనట్లే అనిపిస్తోంది. అక్కడ నుండి ఫోటోలు ఒకొక్కటి అన్నట్లుగా సోషల్‌ మీడియా ద్వారా షేర్ చేస్తోంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.