ఫోటో స్టోరి: క్యూట్ గీత పొగ‌రు

గీత గోవిందం` గీత‌గా తెలుగు వారి గుండెల్లో ఉండిపోయింది ర‌ష్మిక మంద‌న‌. ఆ త‌ల‌పొగ‌రు.. కనుబొమ‌లు ఎగుర‌వేస్తూ గోవిందాన్ని ఏడిపించిన తీరు బోయ్స్ ఎవ‌రూ అంత తేలిగ్గా మ‌ర్చిపోలేరు. ర‌ష్మిక హంగామాకి .. ఆ న‌ట‌న‌కు బోయ్స్ స్పెల్ బౌండ్ అయిపోయారు. ఛ‌లో సినిమాతోనే ఈ అమ్మ‌డికి టాలీవుడ్ లో పెద్ద రేంజు ఉంద‌ని డిక్లేర్ చేసిన యూత్ గీత గా చెల‌రేగి నటించిన ర‌ష్మిక‌ను ఆరాధించేశారు. ఇప్ప‌టికిప్పుడు ర‌ష్మిక‌ను అర‌డ‌జ‌ను అవ‌కాశాలు ఊపిరాడ‌నివ్వ‌డం లేదంటే ఆ ప్ర‌తిభే కార‌ణం. లేటెస్టుగా స్టార్ హీరో అల్లు అర్జున్ స‌ర‌స‌న ఈ బ్యూటీ ల‌క్కీ ఛాన్స్ కొట్టేసింది.

బ‌న్ని- సుకుమార్ కాంబినేష‌న్ సినిమాలో ర‌ష్మిక అవ‌కాశం అందుకుంది. మొన్న‌నే 23 ప్రాయంలో అడుగుపెట్టింది. త‌న బ‌ర్త్ డే సంద‌ర్భంగా అభిమానుల నుంచి ర‌ష్మిక‌కు శుభాకాంక్ష‌లు వెల్లువెత్తాయి. ఇన్ స్టాగ్ర‌మ్ లో ర‌ష్మిక క్యూట్ ఫోటో ఒక‌టి ఫ్యాన్స్ అదే ప‌నిగా షేర్ చేశారు. ఆ ఫోటోలో క్యూట్ స్కూల్ గాళ్ గా ర‌ష్మిక తెగ ముద్దొచ్చేసింది. చిరు ప్రాయంలో ర‌క‌ర‌కాల ఎక్స్ ప్రెష‌న్స్ కి సంబంధించిన ఫోటోల్ని ఎలా దొర‌క‌బుచ్చుకున్నారో కానీ, ఆ ఫోటోల్ని త‌మ ఆరాధ్య దేవ‌త‌కు షేర్ చేసి పెద్ద‌ షాక్ నిచ్చారు.

ఆ ఫోటోలు చూశాక ర‌ష్మిక ఉబ్బిత‌బ్బిబ్బ‌య్యింది. ``వండ‌ర్ ఫీల‌య్యాను.. అస‌లు ఈ ఫోటో ఎక్క‌డ దొరికిందో కానీ! ఈ ఫోటో షేర్ చేసిన ప్ర‌తి ఒక్క‌రూ .. న‌న్ను నా చిన్న‌నాటి జ్ఞాప‌కాల్లోకి తీసుకెళ్లారు.. బాల్యాన్ని మ‌ర్చిపోలేను`` అంటూ ఎమోష‌న్ అయ్యింది ర‌ష్మిక‌. క్యూట్ ర‌ష్మిక రెండు జెళ్ల సీత‌గా ఉన్న‌ప్పుడూ కాస్తంత పొగ‌రుగానే చూస్తోంది. అది గ‌మ‌నించారా?