గాసిప్పులకు స్పందించడంలో గీత స్టైలే వేరప్పా..!

తెలుగు ప్రేక్షకులను తన నటన.. గ్లామర్ రెండింటితో ఆకట్టుకున్న కన్నడ బ్యూటీ రష్మిక మందన్నకు ఇప్పుడు సౌత్ అంతా ఫాలోయింగ్ ఉంది. తెలుగులో ఇప్పటికే మూడు సినిమాల్లో నటించింది. 'గీత గోవిందం' లాంటి బ్లాక్ బస్టర్ ను తన ఖాతాలో వేసుకున్న రష్మికనను ఇప్పటికీ కొంతమంది గీత అనే పిలుస్తున్నారంటే ఆమె పాత్ర జనాలకు ఎంత చేరువయ్యిందో మనం అర్థం చేసుకోవచ్చు.

ఇదిలా ఉంటే రష్మిక తమిళ సినిమాల్లోకి ఎంట్రీ ఇస్తోందని.. తమిళ స్టార్ హీరో విజయ్ - అట్లీ కాంబినేషన్ లో తెరకెక్కుతున్న సినిమాలో హీరోయిన్ గా ఎంపిక అయిందని వార్తలు వచ్చాయి. దీనిపై గతంలో ఒక సారి స్పందించిన రష్మిక.. 'డేయ్. డోంట్ గివ్ మీ ఎక్స్ పెక్టేషన్స్ డా' అంటూ ఫన్నీ రిప్లై ఇచ్చింది. కానీ ఇప్పటికీ రష్మిక ను మీరు విజయ్ సర్ సినిమాలో హీరోయిన్ గా నటిస్తున్నారా అని అందరూ అడుగుతూ ఉండడంతో.. మరో సారి ట్విట్టర్ ద్వారా స్పందించింది.

"విజయ్ సర్ - అట్లీ సర్ ఫిలిం లో నేను నటిస్తున్నానా అని మీరందరూ అడుగుతున్నారు. ఈ సారికి అది జరగడం లేదు కాబట్టి మరోసారి నాకు వారితో కలిసి పనిచేసే అవకాశం దొరుకుతుందని ఆశిస్తున్నాను. మీ అందరి సపోర్ట్ చూస్తుంటే నాకు చాలా సంతోషంగా ఉంది. త్వరలో నేను తమిళ సినిమాల్లోకి ఎంట్రీ ఇస్తాను. మీ అందరి ప్రేమకు థ్యాంక్ యు" అంటూ ఫుల్ క్లారిటీ ఇచ్చింది. సహజంగా ఒక సినిమాలో నటిస్తున్నామని రూమార్లు వస్తే సెలబ్రిటీలు యస్.. లేదా నో అంటారు. కానీ ఇలా స్వీట్ గా రిప్లై ఇవ్వడం చూసి ఆమె ఫ్యాన్స్ మురిసిపోతున్నారు.