కిరాక్ బ్యూటీకి పెద్ద కటౌటు.. పాలాభిషేకం!

పెద్ద పెద్ద స్టార్ హీరోల సినిమాలకు థియేటర్ల ముందు పెద్ద కటౌట్లు కట్టడం... వాటికి జంబో సైజ్ పూలమాలలు వేయడం.. పాలాభిషేకాలు చేయడం చాలా కామన్. వీటితో పాటు కొంతమంది ఏడుపుగొట్టు గాళ్ళు దీనిపై పడి కుళ్ళి కుళ్ళి ఏడవడం కూడా చాలా కామనే. ఎందుకు వాళ్ళను 'ఏడుపుగొట్టుగాళ్ళు' అనాలంటే.. నిజంగా వీరు అంత ఉత్తములే అయితే.. ఆకలితో ఉన్నవారికి ఒక హెరిటేజ్ పాల ప్యాకెట్టో.. లేదా విజయ పాల ప్యాకెట్టో దానం చెయ్యొచ్చు.. కానీ జన్మలో అలాంటి పని చేసి ఉండరు. కానీ ఎవరో 'మ్యాడ్' అభిమానులు వాళ్ళ తృప్తి కోసం వారికిష్టమైన సెలబ్రిటీల కటౌట్లపై పాలు పోసుకుంటే 'వారు అలా చేయకూడదని' రూల్స్ చెప్తారు. వారి డబ్బుతో కొనుక్కున్న పాలను పారబోసుకోవాలో లేకపోతే టేస్టీ పాలకోవా చేసుకోవాలో చెప్పడానికి వీరెవరు? ఈ విషయంపై వాదోపవాదాలు ఎలా ఉన్నా ఆ అభిషేక కేటగిరీ అభిమానులు ఊరుకోరు.. ఈ ఏడుపుగాళ్ళూ అసలు ఊరుకోరు.

ఈ టాపిక్ ఎందుకు వచ్చిందంటే.. 'ఛలో'..'గీతగోవిందం' సినిమాలతో ప్రేక్షకులను మెస్మరైజ్ చేసిన రష్మిక మందన్న కటౌట్ కు రీసెంట్ గా కర్ణాటకలో ఆమె వీరాభిమానులు పెద్ద కటౌట్ పెట్టి దానికి పాలాభిషేకం చేశారు. ఆ వీడియోలు ఇప్పుడు సోషల్ మీడియాలో హల్చల్ చేస్తున్నాయి. కన్నడలో ఛాలెంజింగ్ స్టార్ గా పిలుచుకునే దర్శన్ కొత్త సినిమా 'యాజమాన' మార్చ్ 1 న రిలీజ్ అయింది. ఆ సినిమాలో దర్శన్ కు జోడీగా రష్మిక నటించింది. ఈ సినిమా విడుదల సందర్భంగా ఈ కటౌట్- పాలాభిషేకం సంఘటన చోటుచేసుకుంది. ఇక ఈ వీడియోపై యాజ్ యూజువల్ గా వాదనలు కొనసాగుతున్నాయి.

ఈ పాలాభిషేకాల సంగతి పక్కన పెడితే రష్మిక త్వరలో విజయ్ దేవరకొండ 'డియర్ కామ్రేడ్' సినిమాతో తెలుగు ప్రేక్షకులను పలకరించడానికి రెడీ అవుతోంది. ఈ సినిమాలో మేలో రిలీజ్ చేసేందుకు సన్నాహాలు జరుగుతున్నాయట.


వీడియో కోసం క్లిక్ చేయండి