'మిషన్ మజ్ను'తో బాలీవుడ్ ఎంట్రీ ఇవ్వనున్న స్టార్ హీరోయిన్..!!

ప్రస్తుతం సినీ ఇండస్ట్రీలో కుర్ర హీరోయిన్ల సందడి మాములుగా లేదు. ముఖ్యంగా రష్మిక మందన.. కన్నడ నుండి వచ్చిన ఈ భామ ఛలో సినిమాతో టాలీవుడ్ ఎంట్రీ ఇచ్చింది. ఫస్ట్ సినిమాతోనే తన క్యూట్ హావభావాలతో తెలుగు యువతకు దగ్గరైంది. అప్పటి నుండి మొన్నటి భీష్మా వరకు కుర్రాళ్లను అలాగే కట్టిపడేస్తోంది రష్మిక. తెలుగులో అన్నీ బబ్లీ క్యారెక్టర్స్ చేసిన రష్మిక త్వరలోనే పుష్ప సినిమాతో ఓ ఛాలెంజింగ్ క్యారెక్టర్లో అలరించనుంది. స్టైలిష్ స్టార్ అల్లు అర్జున్ - డైరెక్టర్ సుకుమార్ కాంబినేషన్లో రానున్న 'పుష్ప' సినిమాలో రష్మిక చిత్తూరు అమ్మాయిగా నటించనుంది. అందుకోసం అక్కడి బాషా యాస అన్ని నేర్చుకుందట. ప్రస్తుతం పుష్ప షూటింగ్ దశలో ఉండగానే పలు క్రేజీ ప్రాజెక్టులను అమ్మడు లైన్ లో పెడుతోంది.

శాండల్ వుడ్, టాలీవుడ్ మాత్రమే కాకుండా త్వరలో రష్మిక.. బాలీవుడ్ ఇండస్ట్రీలో అడుగు పెట్టనుంది. ఈ వార్తతో రష్మిక అభిమానులు తెగ సంబరపడి పోతున్నారు. సిద్దార్థ్ మల్హోత్రా హీరోగా.. డెబ్యూ డైరెక్టర్ శాంతను బాగ్చి దర్శకత్వంలో తెరకెక్కనున్న 'మిషన్ మజ్ను' సినిమాతో రష్మిక బాలీవుడ్ ఎంట్రీ ఇవ్వనుంది. తాజాగా ఈ మూవీ పోస్టర్ కూడా విడుదల చేసింది చిత్ర బృందం. ప్రముఖ ప్రొడ్యూసర్ రోని స్క్రూవాలా నిర్మాణంలో నిజ జీవిత సంఘటనల ఆధారంగా రూపొందుతున్న మిషన్ మజ్ను.. రష్మికకు మంచి ఫ్లాట్ ఫార్మ్ అందిస్తుందని ఆశభావం వ్యక్తం చేస్తున్నారు రష్మిక సన్నిహితులు. ఇక తమ అభిమాన హీరోయిన్ బాలీవుడ్ ఎంట్రీ అనేసరికి అభిమానులలో కూడా కొత్త ఉత్సాహంతో ఎక్సపెక్టషన్స్ కూడా భారీ స్థాయికి చేరుకున్నట్లు సమాచారం. 'ది అన్ టోల్డ్ స్టోరీ అఫ్ ఇండియస్ గ్రేటెస్ట్ కోవర్ట్ ఆపరేషన్' అనే ట్యాగ్ లైన్ తో ఆసక్తి రేపుతున్నారు మేకర్స్. చూడాలి మరి బాలీవుడ్ లో రష్మిక అదృష్టం ఎలా ఉండబోతుందో..!!