ఫోటో స్టొరీ: లిల్లీ మేడమ్.. అమేజింగ్ పోజ్

టాలీవుడ్ లో మంచి క్రేజ్ ఉన్న హీరోయిన్లలో రష్మిక మందన్న ఒకరు. 'ఛలో' సినిమాతో టాలీవుడ్ ఎంట్రీ ఇచ్చిన ఈ బెంగుళూరు భామ 'గీత గోవిందం' సక్సెస్ తో భారీ ఫాలోయింగ్ సాధించింది. అయితే తర్వాత సినిమాలేవీ పెద్దగా సక్సెస్ కాలేదు. విజయ్ దేవరకొండతో రెండోసారి నటించిన 'డియర్ కామ్రేడ్' విజయంపై కాన్ఫిడెంట్ గా ఉన్నప్పటికీ ఆ సినిమా ఫ్లాప్ గా నిలిచింది. అయితేనేం.. ఇప్పుడు మహేష్ బాబు 'సరిలేరు నీకెవ్వరు' లో హీరోయిన్ గా నటిస్తోంది.. అల్లు అర్జున్ కొత్త సినిమాలో కూడా ఆఫర్ దక్కిందనే టాక్ ఉంది.

ఇవన్నీ పక్కన పెడితే రష్మిక సోషల్ మీడియాలో చాలా యాక్టివ్ గా ఉంటుంది. రష్మిక తాజాగా తన ఇన్స్టా ఖాతా ద్వారా రెండు ఫోటోలు పోస్ట్ చేసింది. ఈ ఫోటోలకు "ప్రతి రోజు ఉదయం మీరు మంచి మూడ్ లో ఉండాలని నిర్ణయించుకోండి. ఇక ఆరోజు ఎలా ఉంటుందో గమనిస్తే మీరే ఆశ్చర్యపోతారు" అంటూ క్యాప్షన్ ఇచ్చింది. ఇదేదో బాగుందే.. ఐడియా ఫాలో అవ్వండి .. వర్క్ అవుట్ అయితే సరే లేకపోతే ఎలాగూ 'నాలుగు రేపులు... మూడు హత్యలు.. రెండు దోపీడీలు.. జైలు నుంచి తప్పించుకున్న ఒక ఖూనికోరు' లాంటి సభ్యసమాజానికి అవసరమైన మెరుగైన వార్తలు మనకోసం రెడీగా ఉంటాయి కదా. అవి చదువుకుంటూ ఎంచక్కా బ్యాడ్ మూడ్ లో ఉండొచ్చు. మరో ఫోటోకు "మీ జీవితానికి మీరు డ్రైవర్ గా ఉండండి.. ప్యాసెంజర్ గా కాదు. ఎక్కడ ఉండాలో.. ఏం చెయ్యాలో మీరే నిర్ణయించుకోండి" అంటూ మరో వ్యక్తిత్వ వికాస సూచన ఇచ్చింది. ఇది కూడా ఫాలో అయి చూడండి.. లేకపోతే పర్మనెంట్ పాసెంజర్ లాగా ఉంటే సరిపోతుంది. ఎవరిష్టం వారిది!

ఇక ఫోటో విషయానికి వస్తే బేర్ బ్యాక్ ఉండే రెడ్ కలర్ గౌన్ లో సెన్సువల్ పోజులిచ్చింది రష్మిక. అయితే ఈ గౌన్ కు భుజం దగ్గర ఒక విండో ఓపెన్ గా పెట్టింది. మరి అదేమైనా న్యూ స్టైలో ఏమో. రష్మిక ఈ ఫోటోలలో అందాల విందులు లాంటివి ఏమీ చెయ్యలేదు కానీ చాలా క్యూట్ గా ఉంది. ఈ ఫోటోలకు సూపర్ రెస్పాన్స్ వచ్చింది. "లిల్లీ మేడమ్..మీరు అమేజింగ్".. "రెడ్ వెల్వెట్ కేక్".. "నేను ఇంకా డ్రైవింగ్ లైసెన్స్ తీసుకోలేదు".. "ఏం చెప్పావ్ గీతా" అంటూ నెటిజన్లు రెచ్చిపోయారు.