మెగాస్టార్‌ రష్మికల 'గుడ్ బాయ్‌'

ప్రస్తుతం సౌత్‌ లో ముఖ్యంగా తెలుగులో టాప్ హీరోయిన్‌ గా దూసుకు పోతూ ఉన్న ముద్దుగుమ్మ రష్మిక మందన్నా. పుష్ప సినిమాతో పాటు మరో మూడు నాలుగు సినిమాల్లో కూడా ఈమె నటిస్తుంది. ఇదే సమయంలో ఈమె తమిళం.. కన్నడం మరియు హిందీ సినిమాల్లో కూడా నటిస్తుంది. హిందీలో ఈమె బాలీవుడ్‌ మెగా స్టార్ అమితాబచ్చన్ తో కలిసి ఒక సినిమాలో నటిస్తుంది. సినిమా షూటింగ్ కు ఇటీవలే ఏర్పాట్లు ముగిసినట్లుగా ముంబయి వర్గాల ద్వారా సమాచారం అందుతోంది. ఇప్పటి వరకు టైటిల్‌ ను ప్రకటించని యూనిట్‌ సభ్యులు ఎట్టకేలకు టైటిల్‌ ను ప్రకటించి సినిమా పై ఆసక్తిని పెంచేలా చర్చకు తెర తీశారు.

అమితాబచ్చన్‌ మరియు రష్మిక మందన్నాలు నటిస్తున్న ఈ క్రేజీ మూవీకి 'గుడ్‌ బాయ్‌' అనే టైటిల్ ను ఖరారు చేసినట్లుగా తెలుస్తోంది. అధికారిక ప్రకటన బ్యాలన్స్ ఉందంటున్నారు. బచ్చన్‌ తో రష్మిక మందన్నా సినిమా ఎలా ఉంటుందో అంటూ అంతా ఆసక్తిగా ఎదురు చూస్తున్నారు. ఈ సినిమాలో అమితాబ్ మరియు రష్మికలు తండ్రి కూతురుగా కనిపించబోతున్నారు అనే టాక్ బాలీవుడ్‌ వర్గాల ద్వారా వినిపిస్తోంది. ఇక బచ్చన్ జీ తో రష్మిక చేస్తున్న సీన్స్ ఎలా ఉంటాయి ఆయనకు సమ ఉజ్జీగా నటించడంలో రష్మిక ఎంత వరకు సఫలం అయ్యింది అనే విషయాలు తెలియాలంటే మరి కొన్ని రోజులు వెయిట్‌ చేయాల్సిందే.