ఫిట్ నెస్ లో సామ్.. ర‌కుల్ వెన‌క్కి వెళ్లాలేమో

ఫిట్ నెస్ నేటిత‌రం నాయిక‌ల‌కు త‌ప్ప‌నిస‌రి. అందుకే నిరంత‌రం ఫిట్ నెస్ గోల్స్ ని ఫిక్స్ చేసుకుని జిమ్ముల్లో తీవ్ర క‌స‌ర‌త్తులు చేస్తున్నారు. యోగా-ధ్యానం వంటివి కంప‌ల్స‌రీ అయ్యాయి. ఇక టాలీవుడ్ నాయిక‌ల్లో ఫిట్ నెస్ అన‌గానే స‌మంత‌- ర‌కుల్ ప్రీత్ వంటి స్టార్ హీరోయిన్లు గుర్తుకొస్తారు. ఆ ఇద్ద‌రు ఫిట్ నెస్ ఫ్రీక్స్ గా పాపుల‌ర్. నిరంత‌రం ఈ భామ‌లు ఫిట్ నెస్ ను కాపాడుకోవ‌డానికి జిమ్ములో వర్క‌వుట్ల‌కు ఎక్కువ ప్రాధాన్య‌త‌నిస్తున్నారు. కెరీర్ ప‌రంగా ఎంత‌ బిజీగా ఉన్నా రోజులో కొంత స‌మ‌యం జిమ్ కి కేటాయిస్తున్నారు. రూప‌లావ‌ణ్యం చెక్కు చెద‌ర‌కుండా జాగ్ర‌త్త‌ప‌డుతున్నారు.

ఇప్పుడు ఈ లిస్ట్ లో ర‌ష్మిక పేరు చేరుతోంది. సీనియ‌ర్ల బాట‌లోనే ర‌ష్మిక మంద‌న ప‌య‌నిస్తోంది. ఛ‌లో- గీత‌గోవిందం- స‌రిలేరు నీకెవ్వ‌రు చిత్రాల‌తో ర‌ష్మిక రేంజు మారిపోయింది. ప్ర‌స్తుతం పారితోషికంలోనూ చుక్క‌లు చూపిస్తోంద‌న్న టాక్ వినిపిస్తోంది. ఇక ఇదే ఉత్సాహంలో ఫిట్ నెస్ గోల్స్ ని ఫిక్స్ చేసుకుని రూపురేఖ‌ల్ని మ‌రింత ట్రిమ్ చేసేస్తోంది. అందుకు ఇదిగో తాజాగా రివీలైన ఈ ఫోటోలే సాక్ష్యం.

టాలీవుడ్ లో కెరీర్ ప్రారంభించి కేవ‌లం మూడు నాలుగేళ్ల‌ కే స్టార్ స్టాట‌స్ అందుకుంది. ఇప్పుడు పాపులారిటీ పెరిగిన నేప‌థ్యంలో ఆ ఇమేజ్ ని కాపాడుకోవాల్సి ఉంటుంది. అందుకే ఇలా ఫిట్ నెస్ పైనే ప్ర‌త్యేకంగా శ్ర‌ద్ద పెట్టిందిట‌. జిమ్ములో నిరంత‌రం స్వేదం చిందిస్తూ స‌మంత‌.. ర‌కుల్ కి త‌క్కువేం కాద‌ని ప్రూవ్ చేస్తోంది. తాజాగా ర‌ష్మిక‌ జిమ్మింగ్ వీడియో ఒక‌టి సోష‌ల్ మీడియాలో జోరుగా వైల‌ర్ అవుతోంది. 2020 కెరీర్ సంగ‌తి చూస్తే.. ప్ర‌స్తుతం నితిన్ స‌ర‌స‌న భీష్మ చిత్రంలో ర‌ష్మిక‌ న‌టిస్తోంది. స్టైలిష్ స్టార్ అల్లు అర్జున్ క‌థానాయ‌కుడి గా సుకుమార్ ద‌ర్శ‌క‌త్వం లో తెర‌కెక్కుతున్న తాజా సినిమా షూటింగ్ లోనూ పాల్గొన‌నునంది.