గాళ్స్ గ్యాంగ్ తో కార‌డ‌విలో దారి త‌ప్పిన ర‌ష్మిక‌

రష్మిక మందన్న 2021 లో కెరీర్ ప‌రంగా మ‌రింత స్పీడ్ గా దూసుకుపోయేందుకు ప్ర‌ణాళిక‌ల్ని వేగ‌వంతం చేసింది. ఓవైపు బ‌న్నితో పుష్ప చిత్రంలో న‌టిస్తున్న ర‌ష్మిక మ‌రోవైపు కోలీవుడ్ లోనూ పాగా వేసేందుకు తెలివిగా పావులు క‌దుపుతోంది. ఇప్ప‌టికే బ్యాక్ టు బ్యాక్ రెండు త‌మిళ చిత్రాల్ని లాక్ చేసి మ‌రోవైపు హిందీ ప‌రిశ్ర‌మ‌లోకి క్రేజీగా ఎంట్రీ ఇస్తోంది.

ర‌ష్మిక ఏకంగా బాలీవుడ్ లో ఎంట్రీ కోసం చూస్తున్న స‌హ‌న‌టుడు విజయ్ దేవ‌ర‌కొండ‌‌ను సైతం వెన‌క్కి నెట్టి అత‌డి కంటే ఓ మెట్టు ముంద‌డుగు వేయ‌డం తాజాగా చ‌ర్చ‌కొచ్చింది. త‌న తొలి చిత్రం ప్రకటించిన కొద్ది రోజుల్లోనే ర‌ష్మిక‌ తన రెండవ బాలీవుడ్ మూవీని ప్ర‌క‌టించి షాక్ నిచ్చింది. అది కూడా మెగా స్టార్ అమితాబ్ బచ్చన్ సినిమాలో న‌టించేస్తోంది. దర్శకుడు వికాస్ బహ‌ల్ ఈ చిత్రానికి ద‌ర్శ‌క‌త్వం వ‌హిస్తున్నారు. తండ్రి-కుమార్తె అనుబంధం నేప‌థ్యంలో ఇన్వెస్టిగేటివ్ కామెడీ మూవీ టైటిల్ డెడ్లీ. ఈ చిత్రం 2021 మార్చి లో విడుదల కానుంది.

అలాగే బాలీవుడ్‌లో కొత్తగా అడుగుపెడుతున్న‌.. ర‌ష్మిక‌కు 5-6 కోట్ల పారితోషికం ముడుతోంద‌ట‌. మేకర్స్ ఎంతో హ్యాపీగా అంత పెద్ద మొత్తం చెల్లిస్తున్నార‌ట‌. ఇటీవల సిద్దార్థ్ మల్హోత్రా సరసన రష్మిక తన బాలీవుడ్ అరంగేట్రం `మిషన్ మజ్ను` ప్రకటించినప్పుడు అభిమానులు ఆశ్చర్యపోయారు. రొమాంటిక్ థ్రిల్లర్ లో రా ఏజెంట్ల నిజ జీవితాలను తెర‌పైకి తెస్తున్నారు. వెంట‌నే అమితాబ్ తో సినిమా ఖాయం చేసుకుని ఆశ్చ‌ర్య‌ప‌రిచింది.