'గోల్డెన్ గ‌ర్ల్' అంటూ చాటింపు వేసుకుంటోంది

డిఐడి సూపర్ మామ్స్ గ్రాండ్ ఫినాలే సెప్టెంబర్ 25న జరిగింది. ఈ షోలో రష్మిక మందన్న - గోవింద జంట సంద‌డి ఇప్పుడు హాట్ టాపిక్ గా మారింది. వేదిక‌పై 'పుష్ప' కల్ట్ సాంగ్ సామి సామికి డ్యాన్స్ చేస్తూ ఆ ఇద్ద‌రూ అభిమానులను అలరించారు. ఒరిజినల్ లో రష్మిక మందన్న - అల్లు అర్జున్ హుక్ స్టెప్పు తో అల‌రించారు. దీనినే ఈ వేదిక‌పై రిపీట్ చేసారు ఈ జోడీ. గోవిందా బాలీవుడ్ లో గొప్ప డ్యాన్స‌ర్ గా కీర్తినార్జించాడు. ఇప్పుడు రష్మికతో సామి సామికి స్టెప్పులు వేయ‌గా ప్రేక్షకులు విజిల్స్ తో ఎంక‌రేజ్ చేసారు.

ఈ వేదిక‌పై ర‌ష్మిక వేష‌ధార‌ణ ఇప్పుడు హాట్ టాపిక్. ర‌ష్మిక గోల్డెన్ గాళ్ లుక్ తో త‌ళ‌త‌ళ‌లాడింది. పసుపు- బంగారు వ‌ర్ణం ధ‌గ‌ధ‌గ‌ల‌ చీర- ర‌వికెలో అందంగా కనిపించింది. గోవిందా నల్లటి సూట్ లో స్మార్ట్ గా కనిపించాడు.

వీరిద్దరు గోవిందా న‌టించిన‌ కొన్ని బాలీవుడ్ పాటలకు డ్యాన్సుల‌తో సంద‌డి చేసారు. బ‌న్ని- రష్మిక నటించిన పుష్ప: ది రైజ్‌లోని సామీ సామీ పాట విడుదలైనప్పటి నుండి ఉత్త‌రాదిన వీప‌రీత‌మైన అభిమానాన్ని పొందింది. ఇప్పుడు తాజా యాక్ట్ తో అది మ‌రింత వైర‌ల్ అవుతోంది.

ర‌ష్మిక ఫోటోషూట్ తో కిక్కు

తాజాగా ర‌ష్మిక మంద‌న లేటెస్ట్ ఈవెంట్ లుక్ ఫోటోలు అంత‌ర్జాలంలో సునామీలా వైర‌ల్ అవుతున్నాయి. కొన్ని క్ష‌ణాల్లోనే దాదాపు 1.7 మిలియన్ లైక్ లను ఈ ఫోటోషూట్ సంపాదించింది. సోషల్ మీడియాలో అనుచ‌రుల సంఖ్య అంత‌కంత‌కు పెరుగుతోంది. ''ఈరోజు నేను గోల్డెన్ గ‌ర్ల్.. హౌ కూల్.. ఈ లుక్ ని అంగీక‌రిస్తున్నారా? గుడ్ బాయ్'' అంటూ ర‌ష్మిక క్రిప్టిక్ (న‌ర్మ‌గ‌ర్భంగా) గా వ్యాఖ్య‌ను జోడించింది. మొత్తానికి ర‌ష్మిక త‌న‌ను తాను గోల్డెన్ గాళ్ గా ప్ర‌చారం చేసుకుంటోంది. గోల్డెన్ దుస్తుల్లో మెర‌వ‌డ‌మే కాదు.. తాను స్వ‌ర్ణ‌సుంద‌రిగా వెలిగిపోతున్నాన‌ని చాటుకుంటోంది.

రష్మిక ప్ర‌స్తుతం బాలీవుడ్ లో అడుగుపెడుతోంది. త‌న తొలి చిత్రం గుడ్ బై త్వరలో విడుదల కానుంది. ఈ మూవీ ప్ర‌చారంలో భాగంగా ర‌ష్మిక ర‌క‌ర‌కాల వేదిక‌ల‌పై సంద‌డి చేస్తోంది. బుల్లితెర కార్య‌క్ర‌మాల్లో ప్ర‌చారం హోరెత్తిస్తోంది. అలా సీనియ‌ర్ హీరో గోవిందాతోనూ ర‌ష్మిక‌కు ఒక అవ‌కాశం ద‌క్కింది. దానిని ఈ బ్యూటీ చ‌క్క‌గా స‌ద్వినియోగం చేసుకుంద‌ని చెప్పాలి. ముఖ్యంగా ర‌ష్మిక త‌న‌ను తాను ప్ర‌మోట్ చేసుకునేందుకు చ‌క్క‌ని ప‌ద‌జాలంతో చాటింపు వేసుకుంటోంద‌ని నెటిజ‌నులు కొంద‌రు కౌంట‌ర్లు వేస్తున్నారు.

మ‌రోవైపు ర‌ష్మిక న‌టించిన 'మిషన్ మజ్ను' విడుద‌ల కావాల్సి ఉంది. ఇందులో సిద్ధార్థ్ మ‌ల్హోత్రాతో క‌లిసి యాక్ష‌న్ క్వీన్ గా స్పై పాత్ర‌లో ర‌ష్మిక క‌నిపించ‌నుంద‌ని స‌మాచారం. అలాగే స్టార్ హీరో ర‌ణ‌బీర్ యానిమల్ లోను ర‌ష్మిక క‌థానాయిక‌. సందీప్ వంగా ఈ చిత్రానికి ద‌ర్శ‌క‌త్వం వ‌హిస‌తున్నారు. తమిళంలో రష్మిక తదుపరి చిత్రం విజయ్ తో వరిసు చిత్రీక‌ర‌ణ ద‌శ‌లో ఉంది. అల్లు అర్జున్ తో పుష్ప 2 ఇప్పటికే చిత్రీక‌ర‌ణ సాగుతోంది.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.