డియర్ కామ్రేడ్.. లిల్లీ మేడమ్ పోస్టర్!

ఈ సమ్మర్లో రిలీజ్ కానున్న క్రేజీ టాలీవుడ్ సినిమాల్లో విజయ్ దేవరకొండ - రష్మిక మందన్న జంటగా నటించిన 'డియర్ కామ్రేడ్' ఒకటి. అసలే యూత్ ఐకాన్ గా మారిన విజయ్ దేవరకొండ హీరో.. పైగా బ్లాక్ బస్టర్ 'గీత గోవిందం' జోడీ రిపీట్ కావడంతో ఈ సినిమాపై ఆసక్తి ఎక్కువగానే ఉంది. ఈ రోజు రష్మిక మందన్న పుట్టిన రోజు జరుపుకుంటోంది.. ఈ సందర్భంగా 'డియర్ కామ్రేడ్' టీమ్ ఒక కొత్త పోస్టర్ రిలీజ్ చేసింది.

ఈ పోస్టర్ రష్మిక క్యారెక్టర్ ఫస్ట్ లుక్ అనుకోవచ్చు. ఈ సినిమాలో రష్మిక 'లిల్లీ' అనే పాత్ర పోషిస్తోందని పరోక్షంగా తెలుపుతూ 'హ్యాపీ బర్త్ డే డియర్ లిల్లీ' అంటూ శుభాకాంక్షలు తెలిపారు. క్రికెట్ బ్యాట్ చేతబట్టుకుని నొసలు చిట్లిస్తూ.. కాస్త గుర్రుగా చూస్తోంది ఈ లిల్లీ మేడమ్. మరి బాల్ వస్తే దాన్ని గట్టిగా బాది బౌండరీకి పంపుదామనే ఆలోచనో.. లేక రౌడీలను కవర్ డ్రైవ్ ఆడేందుకు అలా నిలుచుందో మాత్రం తెలియదు. ఈ సినిమాలో రష్మిక క్రికెటర్ పాత్రలో నటిస్తోంది. సహజత్వం కోసం ట్రైనింగ్ కూడా తీసుకుందట. ఇక ఈ పోస్టర్ లో రష్మిక కు జన్మదిన శుభాకాంక్షలు తెలపడమే కాకుండా ఈ సినిమానుండి మొదటి సింగిల్ ను ఏప్రిల్ 8 వ తేదీ ఉదయం 11.11 am కు రిలీజ్ చేస్తామని ప్రేక్షకులకు సర్ ప్రైజ్ ఇచ్చారు.

జస్టిన్ ప్రభాకరన్ 'డియర్ కామ్రేడ్' చిత్రానికి సంగీతం అందిస్తున్నాడు. భరత్ కమ్మ దర్శకత్వంలో తెరకెక్కుతున్న ఈ సినిమాను మైత్రీ మూవీ మేకర్స్ వారు నిర్మిస్తున్నారు. 'డియర్ కామ్రేడ్' మే 31 ప్రేక్షకుల ముందుకు రానుంది.