చినబాబు కోసం గీతను సెట్ చేసిన గీతా

అక్కినేని అఖిల్ నాలుగో సినిమాకు చాలా రోజుల నుండి సన్నాహాలు జరుగుతూనే ఉన్నాయి. బొమ్మరిల్లు భాస్కర్ దర్శకత్వంలో గీతా ఆర్ట్స్ బ్యానర్ పై ఈ సినిమాను అల్లు అరవింద్ నిర్మిస్తున్నారు. ఈ సినిమాకు దాదాపు అంతా సెట్ అయిందని.. ఒక్క హీరోయిన్ విషయం మాత్రం ఇంకా తేలలేదని వార్తలు వస్తున్న సంగతి తెలిసిందే. అఖిల్ కోసం బాలీవుడ్ హీరోయిన్లను కూడా పరిశీలిస్తున్నారనే టాక్ కూడా ఉంది. అయితే ఇప్పుడు ఆ కన్ఫ్యూజన్ అంతా క్లియర్ అయిందని.. హీరోయిన్ ను లాక్ చేశారని సమాచారం.

'గీత గోవిందం' సినిమాతో తెలుగు ప్రేక్షకులను మంత్రముగ్ధులను చేసిన రష్మిక మందన్నను అఖిల్ సరసన జోడీగా ఎంపిక చేశారట. ప్రస్తుతం యూత్ లో భారీ క్రేజ్ ఉన్న హీరోయిన్లలో రష్మిక ముందు వరసలో ఉంటుంది. తెలుగులోనే కాకుండా రష్మికకు సౌత్ అంతా ఫాలోయింగ్ ఉంది. ఈ సినిమాలో రష్మిక హీరోయిన్ అంటే కర్ణాటకలో కూడా ఆసక్తి వ్యక్తం అవుతుంది. ప్రస్తుతం టాలీవుడ్ లో భారీ రెమ్యూనరేషన్ తీసుకునే భామలలో రష్మిక ఒకరైనప్పటికీ నిర్మాతలు మాత్రం తననే అఖిల్ కోసం సెట్ చేయడం గొప్పవిషయమే.

అఖిల్ ఇప్పటివరకూ మూడు సినిమాలలో నటిస్తే మూడూ నిరాశపరిచాయి. దీంతో అఖిల్ బాధ్యతను నాగార్జున మాస్టర్ బ్రెయిన్ అల్లు అరవింద్ గారికి అప్పగించారనే టాక్ ఉంది. మరి ఈ సినిమాతోనైనా అఖిల్ కు ఆశించిన విజయం దక్కుతుందో లేదో వేచి చూడాలి.