స్టైలిష్ స్టార్ సరసన గోవిందుడి బ్యూటీ

సుమారు ఎనిమిది నెలలకు పైగా గ్యాప్ తీసుకుని ఫైనల్ గా త్రివిక్రమ్ శ్రీనివాస్ కు ఓకే చెప్పిన స్టైలిష్ స్టార్ అల్లు అర్జున్ కొత్త సినిమా షూటింగ్ ఎప్పటి నుంచి మొదలుపెడతారో ఇంకా క్లారిటీ ఇవ్వడం లేదు. ఫిబ్రవరి 14 నుంచి అన్నారు కాని ఇంకా అఫీషియల్ అప్ డేట్ తెలియాల్సి ఉంది. అయితే పరిగెత్తి పాలు తాగడం కన్నా నిలబడి నీళ్ళు తాగడం బెటర్ అనే సూత్రాన్ని ఫాలో అవుతున్న బన్నీ అన్ని సెట్టయ్యాకే సెట్స్ కి వెళ్దామని ఆత్రంతో పొరపాట్లు చేసి ఆ తర్వాత చింతించడం కంటే ఇదే బెటరని ముందే ఓ అండర్ స్టాండింగ్ కు వచ్చేయడంతో ప్రాసెస్ కాస్త స్లోగా ఉందని ఇన్ సైడ్ టాక్.

అయితే ఇందులో తనకు జోడిగా ఎవరు నటిస్తారు అనే సస్పెన్స్ ఇంకా కొనసాగుతూనే వచ్చింది. అయితే దానికీ చెక్ పెట్టబోతున్నట్టు తెలిసింది. విశ్వసనీయ సమాచారం మేరకు ఇందులో గోవిందుడిని ఏడిపించిన బ్యూటీగా తెలుగు వాళ్ళకు బాగా దగ్గరైన రష్మిక మందన్నను ఎంపిక చేసినట్టు తెలిసింది.

ఇది కనక నిజమైతే తనకు బంపర్ ఆఫర్ తగిలినట్టే. మెగా అల్లు కాంపౌండ్స్ లో ఒక్కసారి అడుగు పెడితే మెల్లగా అవకాశాలు వెతుక్కుంటూ వస్తాయి. ఇప్పటికి రష్మికకు వచ్చిన లోటేది లేదు కానీ టాలీవుడ్ అగ్ర హీరోల సరసన నటించేందుకు చాలా ఉవ్విళ్ళూరుతోంది.

కన్నడలో టాప్ స్టార్స్ తో చేసేసిన రష్మిక తెలుగులో ఇప్పటిదాకా నాని-విజయ్ దేవరకొండ-నాగ శౌర్యలతో నటించింది. వీళ్ళు ఎవరూ మార్కెట్ ను శాశించే వంద కోట్ల హీరోలు కారు. ఆ క్రెడిట్ దక్కాలంటే అల్లు అర్జున్ సినిమాను మొదటి మెట్టుగా తీసుకోవచ్చు. ప్రస్తుతం డియర్ కామ్రేడ్ చేస్తున్న రష్మిక మందన్న నితిన్ తో వెంకీ కుడుముల దర్శకత్వంలో మరో ప్రాజెక్ట్ కూడా ఒప్పుకుంది. కారణాలు బయటికి చెప్పడం లేదు కాని అది ఆలస్యం అవుతోంది. మొత్తానికి రష్మిక కెరీర్ మంచి స్వింగ్ లో సాగుతోంది. బన్నీ-త్రివిక్రమ్ కాంబో అంటే ఇంకా చెప్పేదేముంది