ఆ నటి బయోపిక్ లో నటిస్తా : రష్మిక మందన్నా

టాలీవుడ్ లో ఇప్పుడు క్రేజీ హీరోయిన్ ఎవరంటే వినిపించే పేరు రష్మిక. టాలీవుడ్ కి ఎంట్రీ ఇచ్చిన తక్కువ గ్యాప్ లోనే నెంబర్ వన్ రేసులోకి దూసుకెళ్లింది ఈ భామ. ఇప్పటికే మహేష్ సరసన నటించిన ఈ బ్యూటీ.. ప్రస్తుతం అల్లు అర్జున్ తోనూ నటిస్తోంది. అందం అభినయంతో పాటు సక్సెస్ శాతం రేట్ కూడా ఎక్కువగా ఉండడంతో రష్మిక డేట్స్ కోసం క్యూ కడుతున్నారు ప్రొడ్యూసర్స్.

2008లో విడుదలైన ‘ఛలో’ సినిమాతో టాలీవుడ్ ఎంట్రీ ఇచ్చిన రష్మిక.. ఆ తర్వాత వరు విజయాలు అందుకుంది. గీత గోవిందం, సరిలేరు నీకెవ్వరు, భీష్మ వంటి బ్లాక్ బస్టర్స్ లో నటించింది ఈ బ్యూటీ. సుకుమార్- బన్నీ కాంబినేషన్ లో తెరకెక్కుతున్న పాన్ ఇండియా మూవీ ‘పుష్ప’లోనూ రష్మిక హీరోయిన్ గా నటిస్తోంది. ఈ చిత్రం హిందీలోనూ విడుదల కానుండడంతో.. రష్మిక బాలీవుడ్ లోనూ ఖాతా తెరవబోతోంది.

కాగా.. ఇటీవల ఓ ప్రశ్నకు ఇంట్రస్టింగ్ ఆన్సర్ ఇచ్చింది ఈ అమ్మడు. మీకు బయోపిక్ లో నటించడానికి అవకాశం వస్తే ఎవరి కథను ఎంచుకుంటారని అడగ్గా.. తాను అలనాటి స్టార్ హీరోయిన్స్ - దివంగత శ్రీదేవి - సౌందర్య జీవిత కథలను సెలక్ట్ చేసుకుంటానని చెప్పింది రష్మిక. ఈ డ్రీమ్ రోల్స్ లో ఛాన్స్ వస్తే మాత్రం అస్సలు వదులుకోనని చెప్పింది ఈ బ్యూటీ. కాగా.. ఇప్పటికే పలువురు దర్శక నిర్మాతలు శ్రీదేవి బయోపిక్ నిర్మించేందుకు ప్రయత్నిస్తున్నారు. దశాబ్దాల పాటు వెండితెరను ఏలిన శ్రీదేవి బయోపిక్ లో నటించాలని ఏ హీరోయిన్ అయినా సై అంటుంది. మరి.. ఆ ఛాన్స్ ఎవరికి దక్కుతుందో చూడాలి.