ఈ పెర్ఫార్మన్స్ కు ఎక్స్ట్రా ఏమన్నా ఇస్తారా..?

'ఛలో' సినిమాతో టాలీవుడ్ లో అడుగుపెట్టిన రష్మిక మందన్నా.. వరుస విజయాలతో స్టార్ హీరోయిన్ స్టేటస్ అందుకుంది. 'పుష్ప: ది రైజ్' సినిమాతో పాన్ ఇండియా స్థాయిలో గుర్తింపు తెచ్చుకుని క్రేజీ హీరోయిన్ గా మారిపోయింది. ప్రస్తుతం తెలుగుతో పాటుగా తమిళ కన్నడ హిందీ భాషల్లోనూ అదరగొడుతోంది.

సౌత్ లో మహేష్ బాబు - అల్లు అర్జున్ - నాని - విజయ్ దేవరకొండ - నితిన్ - కార్తీ వంటి హీరోలతో నటించిన రష్మిక.. హిందీలో సిద్దార్థ్ మల్హోత్రా - అమితాబ్ బచ్చన్ వంటి స్టార్స్ తో స్క్రీన్ షేర్ చేసుకుంటోంది. ఈ క్రమంలో ఇప్పుడు కోలీవుడ్ స్టార్ హీరో విజయ్ సరసన హీరోయిన్ గా నటించే ఛాన్స్ దక్కించుకుంది.

తలపతి విజయ్ హీరోగా నేషనల్ అవార్డ్ విన్నింగ్ డైరెక్టర్ ఓ పాన్ ఇండియా మూవీ తెరకెక్కనున్న సంగతి తెలిసిందే. దిల్ రాజ్ బ్యానర్ లో రూపొందే ఈ సినిమాలో హీరోయిన్ గా రష్మిక మందన్నా ను ఫిక్స్ చేశారు. బుధవారం (ఏప్రిల్ 6) చెన్నైలో 'Thalapathy66' సినిమాని పూజా కార్యక్రమాలతో లాంఛనంగా ప్రారంభించారు.

ఈ కార్యక్రమంలో హీరో విజయ్ - హీరోయిన్ రష్మిక మందన్న - సంగీత దర్శకుడు ఎస్ఎస్ థమన్ - దర్శకుడు వంశీ పైడిపల్లి - నిర్మాత దిల్ రాజు - సీనియర్ నటుడు శరత్ కుమార్ తదితరులు పాల్గొన్నారు. ముహూర్త పూజతో ఈ మూవీ రెగ్యులర్ షూటింగ్‌ ను కూడా ప్రారంభించారు. ముందుగా ఓ పాటను చిత్రీకరిస్తున్నారు.

విజయ్ 66వ సినిమా ప్రారంభోత్సవానికి సంబధించిన ఫొటోలు ఇప్పుడు నెట్టింట చక్కర్లు కొడుతున్నాయి. ఇవి చూస్తుంటే రష్మిక ఈ ప్రాజెక్ట్ లో భాగం అయినందుకు చాలా ఎగ్జైటింగ్ గా ఉన్నట్లు అర్థం అవుతుంది. అయితే ఈ విషయంలోనే నెటిజన్లు ఆమెపై ఫన్నీ కామెంట్స్ పెడుతున్నారు.

ఇందులో విజయ్ పక్కన నిలబడి రష్మిక అత్యుత్సాహం ప్రదర్శిస్తోందని కొందరు అంటుంటే.. ఈ ఎక్స్ట్రా పెర్ఫార్మన్స్ కు ఎక్స్ట్రా రెమ్యునరేషన్ ఏమైనా ఇస్తారా అని వ్యాఖ్యానిస్తున్నారు. నిజానికి ఆఫ్ స్క్రీన్ లో రష్మిక అందరితో చాలా సరదాగా ఉంటుంది. సినిమా ఫంక్షన్లలో కూడా జోవియల్ గా మాట్లాడుతుంది. కానీ దీన్ని ఓవర్ యాక్షన్ అంటూ కొందరు ట్రోల్ చేస్తుంటారు.

ఇప్పుడు విజయ్ దగ్గర కూడా అలాంటి పెర్ఫార్మన్స్ చూపిస్తోందని కామెంట్స్ చేస్తున్నారు. అయితే రష్మిక మందన్నా ఇంత ఎగ్జైట్ అవ్వడానికి కారణం ఉంది. అదేంటంటే విజయ్ కు కన్నడ బ్యూటీ వీరాభిమాని. తన ఫేవరేట్ హీరో పక్కన మెయిన్ హీరోయిన్ గా నటించే అవకాశం అందడంతో ఉబ్బితబ్బిబ్బవుతోంది. విజయ్ పట్ల ఆరాధన భావముతోనే అలా ప్రవర్తించిందని.. దీనికి రష్మిక ను ట్రోల్ చేయాల్సిన అవసరం లేదని ఫ్యాన్స్ గట్టిగా బదులిస్తున్నారు.

ఇకపోతే రష్మిక మందన్నా #Thalapathy66') తో పాటుగా 'పుష్ప: ది రూల్' సినిమాలో నటించనుంది. అలానే దుల్కర్ సల్మాన్ - డైరెక్టర్ హను రాఘవపూడి కాంబోలో తెరకెక్కుతున్న సినిమాలోనూ కీలక పాత్ర పోషిస్తోంది. ఇక హిందీలో 'మిషన్ మజ్ను' 'గుడ్ డే' వంటి చిత్రాల్లో నేషనల్ క్రష్ నటిస్తోంది.