సరిలేరు.. ఫుల్ గా ఎంజాయ్ చేస్తున్నట్టుందే!

టాలీవుడ్ లో క్రేజీ హీరోయిన్ గా పేరు తెచ్చుకున్న రష్మిక ఇప్పుడు స్టార్ హీరోల సినిమాల్లో హీరోయిన్ గా నటిస్తోంది. సూపర్ స్టార్ మహేష్ బాబు తాజా చిత్రం 'సరిలేరు నీకెవ్వరు' లో మహేష్ తో మొదటిసారి జోడీ కట్టింది. మహేష్ లాంటి పెద్ద స్టార్ తో చేయడం రష్మికకు ఇదే మొదటి సారి దీంతో ఫుల్ గా ఎగ్జైట్ అవుతోంది.

'సరిలేరు నీకెవ్వరు' షూటింగ్ లో కొద్ది రోజుల క్రితం రష్మిక జాయిన్ అయింది. ఈరోజు మహేష్ సినిమా షూటింగ్ గురించి అభిమానులతో ఒక అప్డేట్ ను పంచుకుంది. తన ట్విట్టర్ ద్వారా "నాకు సరిలేరు నీకెవ్వరు ఫస్ట్ షెడ్యూల్ అయిపోయింది. అద్భుతమైన మనుషులు.. ఎన్నో నవ్వులుపువ్వులు.. పొట్టచెక్కలయ్యే క్షణాలు. మళ్ళీ ఎంత త్వరగా జాయిన్ అవుతానా అనిపిస్తోంది" అంటూ ట్వీట్ చేసింది. దీన్ని బట్టే రష్మిక 'సరిలేరు నీకెవ్వరు' షూటింగ్ ను ఏ రేంజ్ లో ఎంజాయ్ చేస్తోందో మనకు అర్థం అవుతుంది.

వరస విజయాలతో ఫుల్ ఫామ్ లో ఉన్న అనిల్ రావిపూడి దర్శకత్వంలో ఈ సినిమా తెరకెక్కుతోంది. మరోవైపు మహేష్ కూడా బ్యాక్ టూ బ్యాక్ హిట్స్ తో బాక్స్ ఆఫీస్ దగ్గర తన సత్తా చాటాడు. దీంతో ఈ సినిమాపై ప్రేక్షకుల్లో భారీ అంచనాలే ఉన్నాయి. ఈ సినిమాతో విజయశాంతి పదమూడు ఏళ్ళ తర్వాత రీ ఎంట్రీ ఇస్తున్నారు. దేవీ శ్రీ ప్రసాద్ ఈ చిత్రానికి సంగీత దర్శకుడు. అనిల్ సుంకర - దిల్ రాజు ఈ చిత్రాన్ని సంయుక్తంగా నిర్మిస్తున్నారు. వచ్చే ఏడాది సంక్రాంతికి ఈ చిత్రం ప్రేక్షకుల ముందుకు రానుంది.