ఆలిండియా స్టార్‌ హీరోకు పాన్ ఇండియా హీరోయిన్‌ గాలం!

బాహుబలి తర్వాత ప్రభాస్ ఆల్ ఇండియా సూపర్‌ స్టార్‌ గా ఎదిగి పోయాడు. బాహుబలి తర్వాత ప్రభాస్ తన కెరీర్‌ ను మల్చుకున్న తీరుతో బాలీవుడ్‌ లో మంచి క్రేజ్ ఉన్న హీరో గా మారిపోయాడు. సాహో సినిమా తో మరింతగా స్టార్‌ డమ్‌ ను దక్కించుకున్న ప్రభాస్‌ తో వరుసగా పాన్ ఇండియా సినిమా లను చేస్తూ ఉన్నాడు. ఆయనతో నటించాలంటే.. ఆయనతో సినిమా చేయాలంటే అదో అద్బుత అదృష్టంగా నటీ నటులు మరియు ఫిల్మ్‌ మేకర్స్ భావిస్తున్నారు. ఎంతో మంది ముద్దుగుమ్మలు ప్రభాస్‌ తో మూవీకి ఆసక్తిగా ఉన్నారు. తాజాగా ఆ జాబితాలో రష్మిక మందన్నా కూడా చేరినట్లుగా ఉంది.

ఇటీవల రష్మిక అభిమానులతో చిట్‌ చాట్ సందర్బంగా ఎవరితో అయినా డేట్‌ కు వెళ్లే అవకాశం వస్తే మీరు ఎవరిని ఎంపిక చేసుకుంటారు అంటూ ప్రశ్నించగా నిర్మొహమాటంగా ప్రభాస్ పేరును ఆమె చెప్పింది. ప్రభాస్ అంటే తనకు క్రష్‌ అని క్లారిటీగా చెప్పేసింది. ప్రభాస్ దృష్టిలో పడేందుకు రష్మిక ఈ వ్యాఖ్యలు చేసింది అంటూ కొందరు కామెంట్స్ చేస్తూ ఉంటే మరి కొందరు మాత్రం ఇద్దరి కాంబో మూవీ చూడబోతున్నామా అంటూ అప్పుడే ఊహల్లో తేలిపోతున్నారు. ప్రభాస్‌ ను సామాన్యుల నుండి సెలబ్రెటీల వరకు ప్రతి ఒక్కరు ఇష్టపడతారు. రష్మిక డేట్ కు వెళ్లాలని ప్రత్యేకంగా కోరుకోవడంలో వింత ఏముంది అంటూ కొందరు లైట్‌ తీసుకుంటున్నారు.

ఆల్ ఇండియా సూపర్‌ స్టార్‌ గా దూసుకు పోతున్న ప్రభాస్ ఇప్పుడిప్పుడే పాన్ ఇండియా గుర్తింపు దక్కించుకుంటున్న రష్మిక మందన్నతో నటించే అవకాశం వస్తే కథ వేరేలా ఉంటుందేమో. పుష్ప సినిమా తో పాన్‌ ఇండియా హీరోయిన్ గా గుర్తింపు దక్కించుకుంటుందనే నమ్మకం వ్యక్తం అవుతున్న సమయంలోనే బాలీవుడ్‌ లో ఈమెకు ఏకంగా రెండు ఆఫర్లు వచ్చాయి. దాంతో అక్కడ ఇక్కడ కూడా బిజీగా ఉంది. అలాంటి స్టార్‌ హీరోయిన్‌ మెల్లగా ప్రభాస్ దృష్టిలో పడి ఆయనతో నటించేందుకు ప్రయత్నాలు చేస్తుందా అంటూ కొందరు అనుమానంగా ఆమె వ్యాఖ్యలను గమనిస్తున్నారు.