పుష్ప సీక్రెట్స్ పై అన్నీ ఓపెన్ గానే ర‌ష్మిక‌

ఆర్.ఆర్.ఆర్- కేజీఎఫ్ 2 లాంటి భారీ పాన్ ఇండియా చిత్రాల గురించి అభిమానుల్లో ఆస‌క్తిక‌ర చ‌ర్చ సాగుతోంది. వాటితో పాటు ఆచార్య‌- పుష్ప లాంటి భారీ చిత్రాల్ని పాన్ ఇండియా కేట‌గిరీలోనే చూస్తున్నారు. ముఖ్యంగా బ‌న్ని ఈసారి హిందీ మార్కెట్ ని టార్గెట్ చేస్తూ పుష్ప సినిమాలో న‌టిస్తున్నారు.

అస‌లు ఈ సినిమాపై ఎంత‌టి క్రేజు ఉంది? అన్న ప్ర‌శ్న‌కు క‌థానాయిక ర‌ష్మిక మంద‌న స‌రైన ఆన్స‌ర్ ఇచ్చారు. పెద్ద తెరపై పుష్ప‌ను ప్రేక్షకులు ఖచ్చితంగా ఇష్టపడతారని అవసరమైన అన్ని జాగ్రత్తలు తీసుకొని షూటింగ్ పూర్తి స్థాయిలో జరుగుతోందని ర‌ష్మిక‌ అన్నారు.
అల్లు అర్జున్ అంత పెద్ద స్టార్.. సుకుమార్ లాంటి క్రేజీ డైరెక్ట‌ర్ .. ప్ర‌తిష్ఠాత్మ‌క‌ మైత్రి మూవీ మేకర్స్ కలయిక తోనే బోలెడన్ని అద్భుతాలు జ‌ర‌గ‌నున్నాయ‌ని ర‌ష్మిక అభిప్రాయ‌ప‌డ్డారు.

ఈ క‌ల‌యికే ఒక అద్భుతం అయిన‌ప్పుడు ఇంకా ఏమి కావాలని ప్రేక్షకులను అడుగుతున్నారు ర‌ష్మిక‌. అల్లు అర్జున్ ను ఒకే మాటలో వ‌ర్ణించాలంటే...అతను నిజంగా స్వీటెస్ట్ ప‌ర్స‌న్ అని.. ఎవ‌రినీ ఎక్కువ‌గా పొగిడేయ‌న‌ని కూడా ర‌ష్మిక అన్నారు. అన్ని జాగ్ర‌త్త‌ల‌తో పుష్ప షూటింగ్ చేస్తున్నామ‌ని కూడా ర‌ష్మిక వెల్ల‌డించారు.

ఈ చిత్రంలో మలయాళ స్టార్ హీరో ఫహద్ ఫాసిల్ విల‌న్ గా న‌టిస్తున్న సంగ‌తి తెలిసిందే. అత‌డి రాక‌తో ఈ చిత్రంపై అంచనాలు మరింత పెరిగాయి. పుష్ప ఆగస్టు 13 న విడుదల కానుంది. సెకండ్ వేవ్ శాంతిస్తే అన్నీ సానుకూలంగా జ‌రుగుతాయ‌నే ఆశిస్తున్నారు.