అదరగొడుతున్న రష్మిక 'టాప్ టక్కర్' అవతారం!

స్టార్ హీరోయిన్ రష్మిక మందన 'టాప్ టక్కర్' అనే కొత్త మ్యూజిక్ వీడియో కోసం స్టార్ సింగర్ బాద్షాతో చేతులు కలిపింది. ఈ పెప్పీ డాన్స్ నంబర్ టీజర్ తాజాగా విడుదలైంది. ఈ వీడియోలో రష్మిక కొత్త అవతారంలో కనిపిస్తుంది. మ్యూజిక్ వీడియోలో కనిపించడం ఆమెకు ఇదే మొదటిసారి అంటోంది. టాప్ టక్కర్ టీజర్‌లో రష్మిక భలే చమత్కారమైన దుస్తులలో కనిపిస్తుంది. అలాగే చాలా సాంప్రదాయ ఆభరణాలను కూడా ధరించింది.

కలర్ ఫుల్ గా ఉన్న రష్మిక అవతారాన్ని చూస్తూ అభిమానులు ఫుల్ ఖుషి అవుతున్నారు. ఈ సందర్బంగా రష్మిక టాప్ టక్కర్ గురించి ట్విట్టర్ వేదికగా పోస్ట్ పెట్టింది. “టాప్ టాప్ టాప్ టక్కర్.. ఈ సాంగ్ చాలా ఉత్సాహన్నిస్తుంది. మొదటిసారి నేను వీడియో ఆల్బమ్ లో డాన్స్ చేసాను. ఎంతో హుషారుగా అనిపిస్తుంది. త్వరలో విడుదల చేస్తున్న ఈ వీడియో సాంగ్.. త్వరలో పెళ్లిళ్లు, స్కూల్ పార్టీలు, వీడియోలలో ప్రతిచోటా వింటానని నాకు తెలుసు. నన్ను నమ్మండి మంచి డాన్స్ నెంబర్ చూడబోతున్నారు" అంటూ చెప్పుకొచ్చింది.

ఈ టాప్ టక్కర్ టీజర్‌లో బాద్‌షా, యువన్ శంకర్ రాజా, అమిత్ ఉచనా ఉన్నారు. అయితే వారితో పాటు జోనితా గాంధీ ఈ పాట పాడింది. బాద్షా, యువన్ శంకర్ రాజా సంగీతం అందించారు. కొన్ని నెలల కిందటే రష్మిక ఈ సాంగ్ షూట్ కోసం పంజాబ్ కి వెళ్ళిందట. ఇదిలా ఉండగా.. రష్మిక సినిమాల విషయానికి వస్తే.. తెలుగులో అల్లు అర్జున్ పుష్ప సినిమాతో బిజీగా ఉంది.

అడవిలో ఎర్రచందనం అక్రమరవాణా నేపథ్యంలో ఈ సినిమాను సుకుమార్ తెరకెక్కిస్తున్నాడు. అలాగే ఈ ఏడాది కార్తీ సుల్తాన్‌తో రష్మిక కోలీవుడ్‌లో అడుగుపెడుతోంది. ఇక సిధార్థ్ మల్హోత్రాతో మిషన్ మజ్నులో నటిస్తూ బాలీవుడ్ లో అడుగుపెట్టబోతుంది. ప్రస్తుతం అమ్మడు ఫుల్ బిజీ హీరోయిన్. చూడాలి మరి ఎలాంటి సక్సెస్ అందుకుంటుందో!