నెట్టింట వైర‌ల్ గా మారిన ర‌ష్మీ గౌత‌మ్ పోస్ట్

జ‌బ‌ర్ద‌స్త్‌, ఎక్స్‌ట్రా జ‌బ‌ర్ద‌స్త్ కామెడీ షోల‌తో బుల్లితెర‌పై మంచి క్రేజ్ ని సొంతం చేసుకుంది ర‌ష్మీ గౌత‌మ్‌. ఈ షోల కార‌ణంగా సుడిగాలి సుధీర్ - ర‌ష్మీ గౌత‌మ్ ల‌కు భారీ ఫ్యాన్ ఫాలోయింగ్ ఏర్ప‌డింది. దీంతో ఈ ఇద్ద‌రు ఏకంగా స్టార్ సెల‌బ్రిటీలుగా మారిపోయారు.

వీరిద్ద‌రి మ‌ధ్య ఏదో జ‌రుగుతోందంటూ ప్ర‌తీ సారి ఏదో ఒక న్యూస్ నెట్టింట హ‌ల్ చ‌ల్ చేస్తూనే వుంది. జ‌బ‌ర్ద‌స్త్‌, ఎక్స్‌ట్రా జ‌బ‌ర్ద‌స్త్ కామెడీ షోలతో పాటు ఢీ ఫోకు కూడా వీరి వ‌ల్ల భారీ క్రేజ్ ఏర్ప‌డింది. బుల్లితెర‌పై సొంతం చేసుకున్న క్రేజ్ తో సుడిగాలి సుధీర్ , ర‌ష్మీ గౌత‌మ్ సినిమాల్లో న‌టించ‌డం మొద‌లు పెట్టారు.

అయినా బుల్లితెర‌ను మాత్రం వీడ‌టం లేదు. ఈ ఇద్ద‌రిలో ర‌ష్మీ గౌత‌మ్ నిత్యం సోష‌ల్ మీడియా వేదిక‌గా అభిమానుల‌తో ట‌చ్ లో వుంటూ వ‌స్తోంది. వ‌రుస ఫొటో షూట్ ల‌కు సంబంధించిన ఫొటోలు, వీడియోల‌తో ర‌చ్చ చేస్తూ ఫ్యాన్స్ ని ర‌ష్మీ గౌత‌మ్ ఎంట‌ర్ టైన్ చేస్తుంటుంది. అదే స‌మ‌యంలో త‌న‌పై కామెంట్ లు చేసేవారికి గ‌ట్టి కౌంట‌ర్ లు కూడా ఇస్తూ వుంటుంది. `గుంటూరు టాకీస్‌` సినిమాతో న‌టిగా క్రేజ్ ని సొంతం చేసుకున్న ర‌ష్మీ గౌత‌మ్ అడ‌పాడ‌ద‌పా సినిమాల్లో క‌నిపిస్తూ ఎంట‌ర్ టైన్ చేస్తోంది.

బుల్లితెర‌పై బిజీగా వుండ‌టంతో ర‌ష్మీగౌత‌మ్ సినిమాల్లో పెద్ద‌గా క‌నిపించ‌డం మానేసింది. సుడిగాలి సుధీర్ మాత్రం హీరోగా వ‌రుస చిత్రాల్లో న‌టిస్తూ హంగామా చేస్తున్నాడు. చాలా గ్యాప్ త‌రువాత రష్మీగౌత‌మ్ కూడా మ‌ళ్లీ సినిమాల్లో న‌టించ‌డం మొద‌లుపెట్టింది. నందు హీరోగా న‌టిస్తున్న `బొమ్మ బ్లాక్ బ‌స్ట‌ర్‌` చిత్రంలో క‌నిపించింది. ప్ర‌దీప్ న‌టించిన `30 రోజుల్లో ప్రేమించ‌డం ఎలా` చిత్రంలో `వా వా మేరే బావా..` అంటూ సాగే ప్ర‌త్యేక గీతం లో మెరిసింది.

ప్ర‌స్తుతం మెగాస్టార్ చిరంజీవి న‌టిస్తున్న `భోళా శంక‌ర్` చిత్రంలో న‌టిస్తోంది. ఈ మూవీ ప్ర‌స్తుం చిత్రీక‌ర‌ణ ద‌శ‌లో వుంది. ఇదిలా వుంటే ఇటీవ‌ల వేదాంత ధోర‌ణిలో పోస్ట్ లు పెడుతూ వైర‌ల్ అయిన ర‌ష్మీ గౌత‌మ్ తాజాగా ఇన్ స్టా గ్రామ్ స్టోరీస్ లో షేర్ చేసిన పోస్ట్ సంచ‌ల‌నంగా మారింది. సినిమాల్లో ఎక్కువ‌గా అందాల ఆర‌బోత‌కు ఇష్ట‌ప‌డిన ర‌ష్మి గౌత‌మ్ కెరీర్ లో ఎద‌గ‌డంపై .. ఎదిగిన వాళ్ల‌పై ఎలాంటి విమ‌ర్శ‌లు వినిపిస్తారో చెప్పుకొచ్చింది.

టాప్ పొజీష‌న్ కు చేరుకోవ‌డానికి ఆమె ఖ‌చ్చితంగా ప‌డుకుని వుంటుంద‌ని అంటుంటారు` అనే ఓ మీమ్ నెట్టింట వైర‌ల్ గా మారింది. ఆ పోస్ట్ పై స్పందిస్తూ రష్మీ గౌత‌మ్‌షేర్ చేసిన పోస్ట్ ఇప్ప‌డు హాట్ టాపిక్‌గా మారింది. `అవును అంద‌రూ ఎంతో సింపుల్ గా ఆ మాట‌లు అనేస్తారు` అని ర‌ష్మీ స‌ద‌రు పోస్ట్ కి కౌంట‌ర్ ఇచ్చింది. ఇన్ స్టా స్టోరీస్ లో ర‌ష్మీ గౌత‌మ్ షేర్ చేసిన ఈ పోస్ట్ నెట్టింట వైర‌ల్ గా మారింది.