రావణాసుర.. మాస్ రాజా మరో స్పెషల్ అప్డేట్!

మాస్ మహారాజా రవితేజకు చాలా రోజుల తర్వాత మాంచి హిట్ వచ్చింది. ధమాకా సినిమా మంచి టాక్ తో భారీ వసూళ్లను రాబట్టింది. ధమాకా హిట్ తో రవితేజ ఫ్యాన్స్ ఫుల్ ఖుషీలో ఉన్నారు. ఆ తర్వాత వచ్చిన చిరంజీవి వాల్తేరు వీరయ్య సినిమాలో కూడా రవితేజ వెరీ పవర్ ఫుల్ క్యారెక్టర్ చేయడంతో వారి ఆనందం రెట్టింపు అయిందనే చెప్పాలి. వాల్తేరు వీరయ్యలో రవితేజ పాత్రకు, పర్ఫార్మెన్స్ కు మంచి మార్కులే పడ్డాయి. అదే ఊపులో రవితేజ నుండి ఫ్యాన్స్ కు అదిరిపోయే వార్త వచ్చింది.

ఎప్పుడెప్పుడా అని ఎదురుచూస్తున్న రావణాసుర సినిమా నుండి రవితేజ పుట్టినరోజు జనవరి 26వ తేదీన సందర్భంగా ఓ వీడియో రానున్నట్లు తెలుస్తోంది. అటు రిపబ్లిక్ డే కానుకగా, ఇటు రవితేజ బర్త్ డే బహుమతిగా ఈ వీడియోను తీర్చిదిద్దనున్నారు.యూనిక్ థ్రిల్లర్ జోనర్‌ లో రావణాసుర సినిమా తెరకెక్కుతోంది. ఈ చిత్రాన్ని సుధీర్ వర్మ డైరెక్ట్ చేస్తున్నారు. రావణాసుర మూవీలో అనూ ఎమ్మాన్యూయేల్, పూజితా పొన్నాడ, దక్షా నగార్కర్, ఫరియా అబ్దుల్లా(జాతిరత్నాలు - చిట్టి), మేఘా ఆకాశ్ కీలక పాత్రల్లో నటిస్తున్నారు.

అక్కినేని హీరో సుశాంత్ రావణాసుర సినిమాలో విలన్ పాత్రలో నటిస్తుండటం విశేషం. వీళ్లే కాకుండా రవితేజ రావణాసుర సినిమాలో రావు రమేశ్, మురళీ శర్మ, సంపత్ రాజ్ కీలక పాత్రలు పోషిస్తున్నారు. అభిషేక్ పిక్చర్స్, రవితేజ టీమ్ వర్క్స్ బ్యానర్లపై ఈ చిత్రం రూపుదిద్దుకుంటోంది. ఈ సినిమాకు హర్షవర్దన్ రామేశ్వర్, భీమ్స్ సిసిరోలియో సంగీతం అందిస్తున్నారు.

రావణాసుర చిత్రం 2023 ఏప్రిల్ 7వ తేదీన ప్రేక్షకుల ముందుకు రానుంది. త్వరలోనే ఈ సినిమా ప్రమోషన్లు మొదలు కానున్నాయి. రావణాసుర సినిమా పాటలకు సంబంధించిన షూటింగ్ మాత్రమే ఇంకా మిగిలి ఉన్నట్లు సమాచారం. ప్రస్తుతం ఈ పాటల చిత్రీకరణ జరుగుతున్నట్లు తెలుస్తోంది. రావణాసుర సినిమాతో రవితేజ తన సక్సెస్ ను కంటిన్యూ చేస్తాడా లేదా చూడాలి. అలాగే దర్శకుడు కూడా ఈ సినిమాతో హిట్ కొట్టాల్సిన అవసరం ఉంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.