Begin typing your search above and press return to search.
అదుగో.. 150 పంది పిల్లలను పెంచాడట!
By: Tupaki Desk | 10 Sep 2018 1:30 AM GMT
రవిబాబు సినీ కెరీర్‌ ఆరంభం నుండి నటుడిగా దర్శకుడిగా తన విలక్షణమైన తీరును తెలుగు ప్రేక్షకులకు చూపిస్తూనే వస్తున్నాడు. నటుడిగా ఎన్నో చిత్రాల్లో చిత్ర విచిత్రమైన పాత్రలు పోషించిన రవిబాబు దర్శకుడిగా ఒక కొత్త పంథాను తనకు తాను ఏర్పర్చుకున్నాడు. హాలీవుడ్‌ సినిమాల నుండి ఎక్కువగా ఇన్స్‌పైర్‌ అయ్యి సినిమాలు తీస్తాడంటూ రవిబాబు గురించి ఇండస్ట్రీలో టాక్‌ కూడా ఉంది. సినిమా సినిమాకు కాస్త ఎక్కువ గ్యాప్‌ తీసుకున్నా కూడా మంచి చిత్రాలతో ప్రేక్షకుల ముందుకు వచ్చే ఈయన తాజాగా ‘అదుగో’ చిత్రాన్ని తెరకెక్కించాడు.
రాజమౌళి ఈగతో సినిమా తీస్తే రవిబాబు పంది పిల్లతో సినిమా తీశాడు. దాదాపు రెండు సంవత్సరాలుగా రవిబాబు పంది పిల్లతో సినిమా ఎలా తీస్తున్నాడా అంటూ అంతా ఆసక్తిగా ఎదురు చూస్తున్నారు. ఎట్టకేలకు ఈ చిత్రం పూర్తి చేసుకుని విడుదలకు సిద్దం అయ్యింది. ఈ చిత్రం టీజర్‌ ఇటీవలే ప్రేక్షకుల ముందుకు వచ్చింది. త్వరలోనే ట్రైలర్‌ కూడా రాబోతుంది. ఇప్పటి వరకు ‘అదుగో’ పంది పిల్లను మాత్రమే చూపించాడు. సినిమాలోని ఇతర క్యారెక్టర్స్‌ గురించి అసలు ఊసే లేదు. ఎందుకంటే సినిమాలో పంది పిల్ల చాలా కీలకమైన పాత్రలో కనిపించబోతుందట.
సినిమా రెండు సంవత్సరాల పాటు చిత్రీకరణ జరుపుకుంది. ఈ రెండు సంవత్సరాలు కూడా పంది పిల్ల ఒకే బరువుతో ఉండదు. పంది పిల్లలు చాలా స్పీడ్‌గా బరువు పెరుగుతాయి. దాంతో రవిబాబు ఒకేలా ఉన్న పంది పిల్లలు దాదాపు 150 పెంచినట్లుగా ఒక ఇంటర్వ్యూలో చెప్పుకొచ్చాడు. మొదట సినిమా ప్రారంభించినప్పుడు ఒకే పంది పిల్లతో ప్రారంభించాను. అయితే కొన్ని రోజుల్లోనే ఆ పంది పిల్ల బరువు పెరగడంతో తనకు ఇది ఎంత కష్టమైన పనో అర్థం అయ్యిందని, ఆ తర్వాత పంది పిల్లలను పెంచుతూనే వచ్చాను. సందర్బానుసారంగా వేరు వేరు పంది పిల్లలతో షూటింగ్‌ చేశాను అంటూ చెప్పుకొచ్చాడు. ఆ 150 పంది పిల్లలు కూడా ఒకే విధంగా ఉండేలా ప్లాన్‌ చేసుకున్నాను అంటూ రవిబాబు చెప్పుకొచ్చాడు.
సురేష్‌బాబు నిర్మించిన ఈ చిత్రం గురించి రవిబాబు చెబుతున్న ఒక్కో విషయం సినిమాపై ఆసక్తిని పెంచేస్తుంది. అందుకే ఇంకా ఆలస్యం చేయకుండా సినిమాను దసరాకు విడుదల చేయాలని భావిస్తున్నారు. అతి త్వరలోనే విడుదల తేదీపై క్లారిటీ వచ్చే అవకాశం ఉంది.
రాజమౌళి ఈగతో సినిమా తీస్తే రవిబాబు పంది పిల్లతో సినిమా తీశాడు. దాదాపు రెండు సంవత్సరాలుగా రవిబాబు పంది పిల్లతో సినిమా ఎలా తీస్తున్నాడా అంటూ అంతా ఆసక్తిగా ఎదురు చూస్తున్నారు. ఎట్టకేలకు ఈ చిత్రం పూర్తి చేసుకుని విడుదలకు సిద్దం అయ్యింది. ఈ చిత్రం టీజర్‌ ఇటీవలే ప్రేక్షకుల ముందుకు వచ్చింది. త్వరలోనే ట్రైలర్‌ కూడా రాబోతుంది. ఇప్పటి వరకు ‘అదుగో’ పంది పిల్లను మాత్రమే చూపించాడు. సినిమాలోని ఇతర క్యారెక్టర్స్‌ గురించి అసలు ఊసే లేదు. ఎందుకంటే సినిమాలో పంది పిల్ల చాలా కీలకమైన పాత్రలో కనిపించబోతుందట.
సినిమా రెండు సంవత్సరాల పాటు చిత్రీకరణ జరుపుకుంది. ఈ రెండు సంవత్సరాలు కూడా పంది పిల్ల ఒకే బరువుతో ఉండదు. పంది పిల్లలు చాలా స్పీడ్‌గా బరువు పెరుగుతాయి. దాంతో రవిబాబు ఒకేలా ఉన్న పంది పిల్లలు దాదాపు 150 పెంచినట్లుగా ఒక ఇంటర్వ్యూలో చెప్పుకొచ్చాడు. మొదట సినిమా ప్రారంభించినప్పుడు ఒకే పంది పిల్లతో ప్రారంభించాను. అయితే కొన్ని రోజుల్లోనే ఆ పంది పిల్ల బరువు పెరగడంతో తనకు ఇది ఎంత కష్టమైన పనో అర్థం అయ్యిందని, ఆ తర్వాత పంది పిల్లలను పెంచుతూనే వచ్చాను. సందర్బానుసారంగా వేరు వేరు పంది పిల్లలతో షూటింగ్‌ చేశాను అంటూ చెప్పుకొచ్చాడు. ఆ 150 పంది పిల్లలు కూడా ఒకే విధంగా ఉండేలా ప్లాన్‌ చేసుకున్నాను అంటూ రవిబాబు చెప్పుకొచ్చాడు.
సురేష్‌బాబు నిర్మించిన ఈ చిత్రం గురించి రవిబాబు చెబుతున్న ఒక్కో విషయం సినిమాపై ఆసక్తిని పెంచేస్తుంది. అందుకే ఇంకా ఆలస్యం చేయకుండా సినిమాను దసరాకు విడుదల చేయాలని భావిస్తున్నారు. అతి త్వరలోనే విడుదల తేదీపై క్లారిటీ వచ్చే అవకాశం ఉంది.
