ఫోటో స్టొరీ: కలర్ ఫుల్ గా కిక్కు జోడీ

మాస్ మహారాజా సినిమా అంటేనే అదో సందడి. రిజల్ట్ తో సంబంధం లేకుండా మాస్ ప్రేక్షకులు రవితేజ సినిమాపై ఆసక్తి చూపిస్తారు. రవితేజ త్వరలో 'అమర్ అక్బర్ అంటోనీ' తో ప్రేక్షకులను మెప్పించేందుకు రెడీ అవుతున్న సంగతి తెలిసిందే. రీసెంట్ గా ఈ సినిమా నుండి 'కలలా కథలా ఎందుకో అలా' అంటూ సాగే మొదటి లిరికల్ సాంగును మేకర్స్ రిలీజ్ చేశారు. మ్యూజిక్ డైరెక్టర్ థమన్ బాణీకి సింగర్ హరిణి పాడిన మెలోడీకి మంచి రెస్పాన్స్ వచ్చింది.

ఇక 'అమర్ అక్బర్ అంటోనీ' నుండి సెకండ్ లిరికల్ సాంగ్ ను నవంబర్ 6 న రిలీజ్ చేస్తామని మేకర్స్ తాజాగా అప్డేట్ ఇచ్చారు. ఈ సెకండ్ సాంగ్ 'డాన్ బాస్కో' అని వెల్లడిస్తూ.. ఈ పాటనుండి ఒక రవితేజ - ఇలియానాల స్టిల్ ను విడుదల చేశారు. ఈ స్టిల్ లో ఇలియానా పూర్తిగా తళుకుబెళులున్న లాంగ్ స్లీవ్ లెస్ గౌన్ లో కనిపిస్తే.. రవి తేజ రాక్ స్టార్స్ వేసుకొనే డ్రెస్ లో గోల్డ్ కలర్ జాకెట్ లో కనిపించాడు. ఇద్దరి మధ్హ్య కెమిస్ట్రీ 'కిక్' ఇచ్చేలా ఉంది. ఇద్దరి లుక్ చూస్తుంటేనే 'డాన్ బాస్కో' ఓ కలర్ఫుల్ పాటగా ఉండబోతోందని అర్థం అవుతుంది.

'అమర్ అక్బర్ అంటోనీ' నవంబర్ 16 న విడుదల కానుంది. దీంతో ప్రమోషన్స్ కూడా ఊపందుకుంటున్నాయి. మరోవైపు రీసెంట్ గా రిలీజ్ చేసిన ఈ సినిమా టీజర్ కు ఐదు మిలియన్ల వ్యూస్ వచ్చాయి. దీంతో మాస్ రాజా సినిమాపై ప్రేక్షకులు ఆసక్తిగా ఉన్నారని మేకర్స్ కాన్ఫిడెంట్ గా ఉన్నారు. ఈ సినిమా విజయం రవితేజ.. శ్రీను వైట్ల ఇద్దరికీ కీలకం కానుంది.