వెంకీ.. రవి.. కుస్తీలు పట్టేద్దామనే!!

విక్టరీ వెంకటేష్.. మాస్ మహరాజ్ రవితేజ.. ఇద్దరికీ ఎవరి రూట్ వారిది. ఎవరి సినిమాలు వాళ్లవి.. ఎవరి జోనర్ వాళ్లది. చూసేందుకు ఇలాగే కనిపిస్తుది కానీ.. నిజానికి వెంకీ కానీ.. రవితేజ కానీ ఓ జోనర్ లో సెట్ అయిపోదామని ఎప్పుడూ ట్రై చేసినట్లుగా కనిపించదు. అసలు ఇప్పుడు ఇద్దరినీ ఎందుకు కంపేర్ చేయాల్సి వచ్చిందంటే.. పదండి అదేంటో చూద్దాం.

బాలీవుడ్ లో సల్లూ భాయ్ చేసిన ''సుల్తాన్'' సినిమా తెలుగు రైట్ల కోసం ఇప్పుడు వెంకీ అండ్ రవితేజ ఇద్దరూ కుస్తీ పట్టబోతున్నారనే విషయం బయటకొచ్చింది. ఇద్దరూ కూడా ఆ సినిమా రైట్స్ కావాలంటూ తమ తమ సోర్సెస్ ద్వారా యశ్ రాజ్ వారిని ఎప్రోచ్ అవుతున్నారట. కాని సుల్తాన్ లో సల్మాన్ ఖాన్ ఏ రేంజ్ లో కష్టపడ్డాడో... కేవలం ఇక లంగోటి కట్టుకుని బాడీ చూపించడానికి ఏ రేంజ్ లో తపించాడో... మనకు తెలుసు. ఇప్పుడున్న పరిస్థితిలో మరి వెంకీ అండ్ రవితేజ ఇలా బాడీ పెంచేసి మరి సల్మాన్ లా కండలు చూపించేస్తారా? అదే పెద్ద క్వశ్చన్.

ఎలాగో ఇప్పుడు సాలా కద్దూస్ సినిమా కోసం వెంకీ అంతలా కష్టపడిపోతున్నాడని అంటున్నారు కాబట్టి... అదే టైంలో సుల్తాన్ కోసం ట్రై చేస్తున్నాడనే వార్తలు నమ్మశక్యంగానే ఉన్నాయి. కాని ఇంకా అవుటాఫ్‌ ఫిజిక్ లో ఉన్న రవితేజ కూడా ఈ సినిమా కోసం ప్రయత్నిస్తున్నాడంటే మాత్రం కాస్త నమ్మలేకపోతున్నాం. ఒకవేళ తను ప్రొడ్యూసర్ గా ఎవరితోనైనా రీమేక్ చేస్తాడేమో సుమి.